ខេត្តបន្ទាយមានជ័យ:លោក គាត ហ៊ុលអភិបាលក្រុងប៉ោយប៉ែត នាព្រឹកថ្ងៃទី១ ខែធ្នូ ឆ្នាំ២០២២ បានអញ្ជើញជាអធិបតីភាព ក្នុងពិធីបិទវគ្គសិក្សា និងប្រគល់ប័ណ្ណសរសើរ ដល់សិស្សដែលរៀនពូកែ មានវិន័យល្អ ក្នុងវិទ្យាល័យនៃអង្គការ Fra ស្ថិតនៅក្នុងភូមិប្រជាធម្ម សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ។វិទ្យាល័យនេះ បានកើតឡើងតាំងពីឆ្នាំ២០១៦មក រហូតមកដល់បច្ចុប្បន្ននេះមានសិស្សានុសិស្សសរុបជាង៦០០នាក់។ លោកស្រី យុាំង អួយលីន ដែលជានាយិកាគ្រួសារកុមារអភិវឌ្ឍន៍ ហៅកាត់ Fra លើទឹកដីនៃកោះតៃវ៉ាន់បានមានប្រសាសន៍ថា លោកស្រី គឺជានាយិកាប្រចាំនៅកម្ពុជារយៈពេល៣០ឆ្នាំមកហើយ ហើយអង្គការFra ជាអង្គការមនុស្សធម៌ ស្រឡាញ់វិស័យអប់រំ វិស័យពុទ្ធសាសនា ព្រមទាំងបានជួយដល់បងប្អូនប្រជាពលរដ្ឋ ជួបនូវការលំបាក ទទួលរងគ្រោះធម្មជាតិ និងទីទាល់ក្រ។ លោកស្រីបានបន្តថា ដោយមានការអាណិតស្រឡាញ់ដោយស្មោះ ពីប្រជាជនតៃវ៉ាន់ មកលើប្រជាជនកម្ពុជា លោកស្រីបានខិតខំរិះរកមូលនិធិពីបងប្អូនសប្បុរសជននានា ដែលរស់នៅលើទឹកដីនៃកោះតៃវ៉ាន់ និងគោលបំណងជួយជ្រោមជ្រែង លើកស្ទួយពិសេសវិស័យអប់រំសិក្សា ដែលជាកត្តាសំខាន់សម្រាប់ធនធានមនុស្ស។ហើយនៅថ្ងៃនេះផងដែរលោកស្រី សប្បាយចិត្តជាខ្លាំងដែលបានឃើញសិស្សានុសិស្ស ខិតខំសិក្សារៀនសូត្ររហូតទទួលបានលទ្ធផលល្អប្រសើរ ទោះបីជារយៈពេលកន្លងមកប្រទេសកម្ពុជាបានទទួលរងនូវវិបត្តិកូវីដ១៩ ក៏ដោយ ក៏ប្អូនៗសិស្សានុសិស្សខិតខំរៀនសូត្រ តាមប្រព័ន្ធអនឡាញ ឬប្រព័ន្ធZoom។លោក គាត ហ៊ុល អភិបាលក្រុងប៉ោយប៉ែត បានមានប្រសាសន៍កោតសរសើរ និងថ្លែងនូវអំណរគុណចំពោះសន្តានចិត្តដ៏ល្អ ចំពោះអង្គការFra ដែលបានចំណាយថវិកា ជាច្រើន មកជួយដល់កម្ពុជា នេះគឺជាការចូលរួមចំណែក ជាមួយរាជរដ្ឋាភិបាលកម្ពុជា ដើម្បីជួយទ្រទ្រង់និងវិស័យអប់រំ ដែលជាវិស័យអាទិភាពចម្បងជាងគេ។លោក គាត ហ៊ុល បានបន្តផ្តាំផ្ញើដល់ប្អូនៗ និងសិស្សានុសិស្សទាំងអស់បន្តខិតខំរៀនសូត្រ គ្មានក្មេងទំនើងបងតូចបងធំ និងសុំឆ្លើយថាទេចំពោះគ្រឿងញៀន៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ