ខេត្តបន្ទាយមានជ័យ៖បន្ទាប់ពីទទួលបានបទបញ្ជាពីប្រមុខរាជរដ្ឋាភិបាលកម្ពុជា ក្នុងការទប់ស្កាត់ការរុករានទន្ទ្រានដីព្រៃលិចទឹកនោះ នៅថ្ងៃទី៣០ ខែវិច្ឆិការ ឆ្នាំ២០២១ គណៈកម្មការចម្រុះដឹកនាំដោយឯកឧត្តម លាង មន្នីរិទ្ធ រដ្ឋលេខាធិការក្រសួងរៀបចំដែនដី នគរូបនីយ៍កម្ម សំណង់សូរិយោដី ឯកឧត្តម អ៊ុំ រាត្រី ប្រធានគណៈបញ្ជាការឯកភាពខេត្តបន្ទាយមានជ័យ និងជាអភិបាលខេត្ត លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត លោកឧត្តមសេនីយ៍ទោ ឈុន ម៉ៅ មេបញ្ជាការទឹសទី១ បន្ទាយមានជ័យ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើជើងលេខ៥១ លោកឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងខេត្ត កម្លាំងកងរាជអាវុធហត្ថខេត្ត និងមន្ទីរពាក់ព័ន្ធ បានចុះពិនិត្យជាក់ស្តែង និងទប់ស្កាត់ចំពោះការកាប់ព្រៃលិចទឹក និងវាតទីយកដីបឹងទន្លេសាប តំបន់២ តំបន់៣ ក្នុងភូមិសាស្ត្រឃុំប្រាសាទ និងភ្នំលាប ស្រុកព្រះនេត្រព្រះខេត្តបន្ទាយមានជ័យ ដោយប្រើមធ្យោបាយទូកម៉ាស៊ីន។ក្នុងបេសកកម្មអញ្ជើញចុះពិនិត្យមើលស្ថានភាពជាក់ស្តែងនោះ ថ្នាក់ដឹកនាំក្រសួង អភិបាលខេត្ត បានរៀបចំកម្លាំងប្រដាប់អាវុធចម្រុះ មានមន្ត្រីខេត្ត មន្ត្រីជំនាញ កងកម្លាំងទាំង៣ ប្រចាំការជាប់នៅគោលដៅ ដើម្បីទប់ស្កាត់ បង្ក្រាប់បទល្មើស និងក្រុមមន្ត្រីជំនាញសូរិយោដីខេត្ត មន្ត្រីជលផល និងមន្ត្រីស្រុក ឃុំមូលដ្ឋាន ដើម្បីចុះផ្ទៀងផ្ទាត់កំណត់បង្គោលព្រំ ដើម្បីកសាងឯកសារ ចុះបញ្ជីដីរដ្ឋ។ក្នុងនោះឯកឧត្តម អ៊ុំ រាត្រី បានមានប្រសាសន៍ថា គណៈកម្មការចម្រុះ និងក្រុមការងារមន្ទីររៀបចំដែនដី,ក្រុមការការធនធានទឹក និងជលផលនៃមន្ទីរកសិកម្ម ចុះមកថ្ងៃនេះចែកគ្នាជាបីក្រុម ដើម្បីចុះមកធ្វើការងារពីទី១-ពិនិត្យភូមិសាស្ត និងទី២-ចុចបង្គោលចំណុចទីតាំងព្រំជាង៣០បង្គោល ដើម្បីរៀបចំដីតំបន់៣នេះចុះបញ្ជីធ្វើជាដីរបស់រដ្ឋទាំងអស់ បើអ្នកណាថា ជាដីកម្មសិទ្ធរបស់ខ្លួនសូមឲ្យបង្ហាញមុខមក។ឯកឧត្តមបញ្ជាក់ថា យើងបានបង្កើតក្រុមការងារប្រចាំការចំនួន៣ក្រុមដោយ ក្រុមទី១ នៅឃុំប្រាសាទ,ទី២- នៅឃុំភ្នំលាប និងទី៣- នៅឃុំសំបួរ ដើម្បីតាមដានជាប់ជាប្រចាំ ដោយមានទូកប្រើម៉ាស៊ីនចលត ក្រែងមានអ្នកបន្តរំលោភទន្ទ្រានយក ក៏ប៉ុន្តែរហូតមកដល់ម៉ោងនេះមិនទាន់មានអ្នកណាម្នាក់ចេញមុខមកបញ្ជាក់ថា ជាដីកម្មសិទ្ធរបស់អ្នកណាម្នាក់នៅឡើយទេ ដូច្នេះគណៈបញ្ជាការឯកភាពខេត្ត កងកម្លាំង និងមន្ទីរពាក់ព័ន្ធទាំងអស់បានឯកភាពគ្នាយកដីទាំងអស់ ជាង១២០០០ហិចតានេះសម្រេចចុះបញ្ជីកម្មសិទ្ធរបស់រដ្ឋតែម្តង៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ