ខេត្តបន្ទាយមានជ័យ៖យោងលិខិតលេខ៦២/២៣ កាកបាទក្រហមកម្ពុជាចុះថ្ងៃទី១ ខែមិថុនា ឆ្នាំ២០២៣ របស់អគ្គលេខាធិការកាកបាទក្រហមកម្ពុជា កាកបាទក្រហមខេត្តបន្ទាយមានជ័យនៅព្រឹកថ្ងៃទី១៦ ខែមិថុនា ឆ្នាំ២០២៣ បានរៀបចំពិធីសូត្រមន្ត ដើម្បីថ្វាយព្រះសព្ទសាធុការពរជ័យ សម្ដេចព្រះមហាក្សត្រិយ៍នរោត្តមមុនីនាថសីហនុ ព្រះវររាជមាតាជាតិខ្មែរ ព្រះប្រធានកិត្តិយសសមាគមកាកបាទក្រហមកម្ពុជា ក្នុងឱកាសព្រះរាជពិធីបុណ្យចម្រើនព្រះជន្ម៨៧ យាងចូល៨៨ ព្រះវស្សា។ ពិធីនេះប្រព្រឹត្តទៅនៅវត្តគិរីជុំចម្ការខ្នុរ សង្កាត់អូរអំបិល ក្រុងសិរីសោភ័ណខេត្តបន្ទាយមានជ័យ ដែលបានរៀបចំតាមបែបកិច្ចសាសនាមានរបាំជូនពរ និងព្រះសង្ឃសូត្រធម៍ជ័យមង្គលគោរពថ្វាយសម្តេចម៉ែ។ ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហមខេត្ត បានអានសារលិខិតថ្វាយព្រះពរតែមានខ្លឹមសារយ៉ាងដូច្នេះថា នាឱកាសដ៏ មង្គលក្នុងព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រីនរោត្តម មុនីនាថសីហនុ ព្រះវររាជមាតាជាតិខ្មែរ គម្រប់៨៧ យាងចូល៨៨ ព្រះវស្សា ទៅថ្ងៃអាទិត្យ ១កើត ខែបឋមសាធ ឆ្នាំថោះ បញ្ហាស័ក ពុទ្ធសករាជ២៥៦៧ ត្រូវនឹងថ្ងៃទី១៨ ខែមិថុនា ឆ្នាំ២០២៣ ទូលព្រះបង្គំយើងខ្ញុំទាំងអស់គ្នា ជាខណៈកិត្តិយសាខា គណៈកម្មាធិការសាខា ក្រុមប្រតិបត្តិសាខា អនុសាខាក្រុមកាកបាទក្រហម ឃុំ សង្កាត់ អ្នកស្ម័គ្រចិត្តនិងយុវជនកាកបាទក្រហមកម្ពុជាសាខាកាកបាទក្រហមកម្ពុជាខេត្តបន្ទាយមានជ័យ និងក្នុងនាមទូលព្រះបង្គំជាខ្ញុំជាម្ចាស់សុំព្រះបរមរាជានុញ្ញាត ក្រាបថ្វាយបង្គំ ព្រះសព្ទសាធុការពរជ័យបវរសួស្ដីមហាប្រសើរគ្រប់ប្រការ សម្ដេចព្រះមហាក្សត្រិយ៍ ព្រះរាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីគោរពដ៏ខ្ពង់ខ្ពស់សូមទ្រង់ប្រកបដោយព្រះរាជសុខភាពបរិបូណ៌ ព្រះបញ្ញាញាណភ្លឺថ្លា ព្រះកាយពលមាំមួន និងមានព្រះជន្មាយុយឺនយូរ ដើម្បីគង់ប្រថាប់ ជាម្លប់ដ៏ត្រជាក់ឲ្យប្រជានុរាស្ត្រជារៀងដរាបរៀងទៅ ព្រះមហាក្សត្រ និងប្រកបដោយព្រះព្រហ្មវិហារធម៌ នៃសម្ដេចព្រះមហាក្សត្រីវត្តរាជមាតាជាតិខ្មែរ នៃព្រះរាជាណាចក្រកម្ពុជា ដែលជានិច្ចកាលព្រះអង្គបានលះបង់ នូវព្រះកាយពល មិនគិតពីការនឿយហត់និងព្រះរាជកិច្ចដ៏ឧត្តុង្គឧត្តម ដើម្បីបុព្វហេតុជាតិមាតុភូមិនិងប្រជានុរាស្ត្រជាទីស្រឡាញ់របស់ទ្រង់ គ្រប់ទីកន្លែង និងព្រះរាជាណាចក្រកម្ពុជា។ក្នុងព្រះរាជពិធីបុណ្យចម្រើនព្រះជន្មវស្សាដ៏ឧត្តុង្គឧត្តមនេះ ទូលព្រះបង្គំជាខ្ញុំសូមលើកហត្ថ បួងសួងដល់គុណបុណ្យព្រះរតនត្រ័យ សូមជួយថែរក្សាព្រះមហាក្សត្រ និងវត្ថុស័ក្តិសិទ្ធិក្នុងលោកគង់ប្រោសប្រទាន នៅសព្វសាធុការពរជ័យគ្រប់ប្រការថ្វាយសម្ដេចព្រះមហាក្សត្រី ព្រះវររាជមាតាជាតិខ្មែរនៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុតសុំព្រះអង្គប្រកបដោយព្រះពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។សេចក្តី គួរពុំគួរសូមសម្ដេចព្រះមហាក្សត្រីមេត្តាករុណា ព្រះរាជទានទោស។ចុងបញ្ចប់ថ្នាក់អធិបតីបានប្រគេនចង្ហាន់ និងប្រគេនទេយ្យវត្ថុ ចំពោះព្រះស្ឃ ជូនតាជីយាយជី ២០នាក់ និងប្រលែងសត្វផងដែរ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ