ខេត្តបន្ទាយមានជ័យ៖រដ្ឋបាលខេត្តបន្ទាយមានជ័យ នាព្រឹកថ្ងៃអាទិត្យទី២៨ ខែឧសភាឆ្នាំ ២០២៣ បានរៀបចំវេទិកាពិភាក្សាពីគ្រោះយោបល់ អំពីវឌ្ឍនភាពការងារគ្រប់វិស័យទូទាំងខេត្តបន្ទាយមានជ័យ ដោយមានការចូលរួមពិភាក្សាពិគ្រោះយោបល់ជាមួយ និស្សិតសកលវិទ្យាល័យគ្រប់គ្រងនឹងសេដ្ឋកិច្ចហៅកាត់ "UME" ដែលមានការចូលរួមប្រមាណជាង ៨០០នាក់។ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានឡើងធ្វើបទបង្ហាញ ស្ដីពីវឌ្ឍនភាពការងារលើកវិស័យទូទាំងខេត្តដោយបញ្ជាក់ថា នៅក្នុងរយៈពេល ៥ ឆ្នាំកន្លងមកនេះ ខេត្តបន្ទាយមានជ័យក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវកម្មវិធីនយោបាយ យុទ្ធសាស្ត្រ ចតុកោណដំណាក់កាលទី៤ និងដោយមានការចង្អុលបង្ហាញ ណែនាំផ្ទាល់ពីសំណាក់ ឯកឧត្តម នាយឧត្តមសេនីយ៍ កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារចុះជួយមូលដ្ឋានខេត្តបន្ទាយមានជ័យ និងថ្នាក់ដឹកនាំក្រសួងមហាផ្ទៃ និងក្រសួងស្ថាប័នផ្សេងៗទៀត ។ខេត្តបន្ទាយមានជ័យបាននឹងកំពុងមានការរីកចម្រើន ហ្នឹងប្រែប្រួលមុខមាត់ជាបន្តបន្ទាប់ផ្នែកសន្តិសុខ សណ្ដាប់ធ្នាប់សាធារណៈ សេដ្ឋកិច្ច សង្គមកិច្ច បរិស្ថាន និងសមិទ្ធផល រូបវ័ន្ដជាច្រើន ជាពិសេសជីវភាពរស់នៅរបស់ប្រជាពលរដ្ឋកាន់តែបានលើកកម្ពស់ពីមួយថ្ងៃទៅមួយថ្ងៃ ។ជាមួយគ្នានេះរដ្ឋបាលខេត្តបន្ទាយមានជ័យ បាននឹងកំពុងខិតខំបង្កើនផលិតភាពការងាររដ្ឋបាល និងការបម្រើសេវារដ្ឋបាលសាធារណៈជូនប្រជាពលរដ្ឋកាន់តែបានល្អប្រសើរជាងមុន។ឯកឧត្តម អ៊ុំ រាត្រី បានបន្តថា វិស័យអាទិភាពសំខាន់ៗជាច្រើនដែលប្អូនៗក្មួយៗ ត្រូវយកចិត្តទុកដាក់នោះគឺវិស័យកសិកម្ម វិស័យពាណិជ្ជកម្ម វិនិយោគ និងវិស័យអប់រំ។ ក្នុងវេទិកាពិភាក្សាពីគ្រោះយោបល់នេះផងដែរ ព្រះសង្ឃ ប្អូនៗក្មួយៗ ដែលជានិស្សិតបានមានសង្ឃដីកានិងលើកឡើងជាសំណួរជូនដល់គណៈអធិបតី ដើម្បីធ្វើការឆ្លើយតបនិងដោះស្រាយរួមមានបញ្ហា ទឹកជំនន់ តម្លៃកសិផលនានា ការប្រឡងចូលការងាររបស់មន្ត្រីរាជការ ប៉ូលីស ទាហាន ប៉េអឹម បញ្ហាប្រឈមរឿងគ្រឿងញៀន ក្មេងទំនើង បងតូចបងធំនិងបញ្ហាអនាម័យបរិស្ថាន៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ