ខេត្តបន្ទាយមានជ័យ៖ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាអនុប្រធានសមាគមអតីតយុទ្ធជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីជួបសំណេះសំណាលសាកសួរសុខទុក្ខ និងបំពាក់គ្រឿងឥស្សរិយសជូនដល់អតីតយុទ្ធជន នៅក្រុងសេរីសោភ័ណ្ឌ ខេត្តបន្ទាយមានជ័យ នាព្រឹកថ្ងៃទី២៤ ខែឧសភាឆ្នាំ២០២៣ នៅសាលាខេត្តបន្ទាយមានជ័យ ។ នាឱកាសនោះលោកឧត្តមសេនីយ៍ត្រី ជឹម ប៊ុនអាន ប្រធានសមាគមអតីតយុទ្ធជនកម្ពុជាខេត្ត បានលើកឡើងថា អតីតយុទ្ធជន និងគ្រួសារអតីតយុទ្ធជន កំពុងគ្រប់គ្រងមានចំនួន ៦,៤៤៨ នាក់។បានចូលរួមជាសមាជិកសមាគមអតីតយុទ្ធជនមានចំនួន ៥៤៦៦នាក់ និងអ្នកក្នុងបន្ទប់ ៨,៦៦នាក់ ក្នុងនោះមានៈ- គ្រួសារជនពលី ចំនួន ៧៧៩ គ្រួសារ- គ្រួសារជនមរណៈ ចំនួន ១៤០ គ្រួសារ - និវត្តជន ចំនួន ២,៣៥៥នាក់។- ជនបាត់បង់ ចំនួន ៤០នាក់ - ជនពិការ ចំនួន ២៥៥២នាក់ រាជរដ្ឋាភិបាលបានបន្ថែមរបស់សន្តិសុខសង្គម ៤កម្រិតផ្សេងៗគ្នា សម្រាប់អតីតយុទ្ធជន ដែលមានប្រាក់ខែទាបបំផុតចំនួន ៧៧.០០០ រៀលក្នុងមួយខែនិងបានឧបត្ថម្ភ ៥ម៉ឺនរៀល សម្រាប់បុណ្យចូលឆ្នាំខ្មែរប្រពៃណីជាតិ។ និងបានបន្ថែមថវិកាចំនួន២០ ម៉ឺនរៀលក្នុងមួយខែជូនដល់អ្នកបម្រើជនពិការ ប្រភេទ ក-១ មុនឆ្នាំ ២០១៥ ដោយគិតពីខែមករា ឆ្នាំ២០២៣ តមក។ថ្លែងក្នុងឱកាសជួបសំណេះសំណាលនេះផងដែរឯកឧត្តម កែ គឹមយ៉ាន បានមានប្រសាសន៍ថា ក្នុងនាមថ្នាក់ដឹកនាំសមាគមអតីតយុទ្ធជនកម្ពុជា នៅតែបន្តការថែទាំដល់បងប្អូន អ៊ំពូមីងជាអតីតយុទ្ធជនឲ្យមានជីវភាពសមរម្យ។ ឯកឧត្តម កែ គឹមយ៉ាន ក៏បានសំដែងនូវការកោតសរសើរដោយស្មោះ ព្រមជាមួយនៅការដឹងគុណចំពោះនាយទាហាន ប៉ុលទាហាន និងកងកម្លាំងប្រដាប់អាវុធទាំងអស់ ដែលបានខិតខំបំពេញភារកិច្ចការពារជាតិមាតុភូមិនៃយើង។តាមរយៈសកម្មភាពអតីតយុទ្ធជនយុទ្ធមិត្តយើងបានអនុវត្តកន្លងមកបានបង្ហាញយ៉ាងច្បាស់ថា កងទ័ពគឺពិតជាបានចូលរួមចំណែកយ៉ាងធំធេងក្នុងការជួយដោះស្រាយទុកលំបាករបស់ប្រជាពលរដ្ឋគ្រប់កាលៈទេសៈ។ ចុងបញ្ចប់នៃកម្មវិធីគណៈអធិបតីក៏បានបំពាក់គ្រឿងឥស្សរយួសមេដៃជូនអតីតយុទ្ធជនក្រុងសិរីសោភ័ណ្ឌចំនួន ៨៨៨នាក់។ ដោយក្នុងនោះមានមេដៃអសរិទ្ធចំនួន ៩ មេដៃ ៧១៩ មេដៃ និងមេដៃមាស ១៦០ និងបានឧបត្ថម្ភថវិកាក្នុងម្នាក់ៗចំនួន ៥ ម៉ឺនរៀលផងដែរ៕
ព័ត៌មានគួរចាប់អារម្មណ៍
បញ្ជូនខ្លួនជនជាតិឥណ្ឌូណេស៊ី ម្នាក់ ទៅតុលាការខេត្តបន្ទាយមានជ័យ ពាក់ព័ន្ធករណីរំលោភលើទំនុកចិត្ត (រស្មីកូនខ្មែរ)
កងទ័ពថៃអរគុណនូវវីរភាពកងទ័ពកម្ពុជា ដែលបានខិតខំជួយសង្គ្រោះជនជាតិថៃ រងគ្រោះដោយសារផ្ទុះមីន (រស្មីកូនខ្មែរ)
បើកវគ្គបណ្តុះបណ្តាលគ្រូបង្គោល អំពីច្បាប់ស្តីពីការបោះឆ្នោត បទបញ្ជា នីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ក្នុងដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ (រស្មីកូនខ្មែរ)
សម្ដេចតេជោ ហ៊ុន សែន ព្រមានសារជាតិថ្មីទៅដល់អ្នកដែលមានបំណងចង់បំផ្លាញសន្តិភាពថា នរណាក៏ដោយ ឲ្យតែហ៊ានធ្វើចលនា ដែលនាំឲ្យអសន្តិសុខសាធារណៈ និងមានចេតនាចង់បំផ្លាញសុខសន្តិភាព នឹងមិនលើកលែងឲ្យនោះទេ (រស្មីកូនខ្មែរ)
រដ្ឋសភាបានអនុម័តដោយមានសំឡេងគាំទ្រជាឯកច្ឆន្ទលើ សេចក្ដីព្រាងក្រមបរិស្ថាន និងធនធានធម្មជាតិ (រស្មីកូនខ្មែរ)
វីដែអូ