ខេត្តបន្ទាយមានជ័យ៖នៅថ្ងៃអាទិត្យ ២កើត ខែជេស្ឋ ឆ្នាំថោះ បញ្ចាស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែឧសភា ឆ្នាំ២០២៣ នៅវត្តរតនៈសុខសាន្ត អូរខៃដន ស្ថិតនៅក្នុងសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ព្រះសង្ឃអាចារ្យគណៈកម្មការម្ចាស់ វេនទាំង១៤និងពុទ្ធបរិស័ទគ្រប់មជ្ឈដ្ឋាន ទាំងនៅក្នុងនិងក្រៅប្រទេស បានមូលមតិគ្នាជាឯកច្ឆន្ទប្រារព្ធធ្វើពិធីបុណ្យបញ្ចុះខណ្ឌសីមា ឆ្លងសមិទ្ធផលនានានៅក្នុងវត្តអូរខៃដន ដែលពិធីដ៏ធំជាងគេនេះនឹងប្រារព្ធធ្វើឡើងចំនួន៦ ទៅ៧ថ្ងៃ ដោយចាប់ពីថ្ងៃទី២១ ដល់ ២៧ ខែឧសភា ឆ្នាំ២០២៣ ។ថ្ងៃដំបូងមានរៀបចំដង្ហែដុំនិមិត្ត សីមាត្រៃបរិក្ខារដើរជុំវិញក្រុងប៉ោយប៉ែត ត្រូវត្រឡប់មកតម្កល់ទុកក្នុងវត្តវិញនិងបានរៀបចំក្រុងពាលី ដង្ហែដុំនិមិត្តសីមាប្រទក្សិណជុំវិញព្រះវិហារចំនួនបីជុំ និងវេដុំនិមិត្តសីមា និង រោងឧបោសថ ព្រះវិហារថ្មីប្រគេនដល់ព្រះសង្ឃព្រមទាំងបានបន្តរៀបចំពិធី ពុទ្ធភិសេកព្រះពុទ្ធបដិមានិងព្រះវិហារ។ព្រះគ្រូព្រហ្មមូលី ណយ ណេត ទីប្រឹក្សាផ្ទាល់សម្ដេច នន្ទ ង៉ែត សម្តេចព្រះសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រតនៈសុខសាន្ត ហៅអូរខៃដន ព្រះអង្គបានមានសង្ឃដីកាថា ព្រះវិហារដែលពុំទាន់បានបញ្ចុះខណ្ឌសីមាព្រះវិហារនោះពុំទាន់មានលក្ខណៈ ជាឱបោសថថាគារពេញលេញនៅឡើយនោះទេ ។ចំពោះពុទ្ធសាសនិកជនខ្មែរព្រះវិហារទៅជាទីសេនាសេនៈដ៏សំខាន់ជាងគេបំផុតក្នុងវត្តអារាម ដោយហេតុថា ជាឱបោសថថាគារសម្រាប់ព្រះភិក្ខុសង្ឃបំពេញពិធីសាសនានានាតាមប្រពៃណីព្រះពុទ្ធសាសនា។ ម្យ៉ាងវិញទៀតបុណ្យបញ្ចុះខណ្ឌសីមាជា បុណ្យឆ្លងមួយដ៏មហោឡាឫកបំផុតសម្រាប់ប្រជាជនកម្ពុជា ចូលរួមចាប់មគ្គផលកុសលផលបុណ្យដោយក្ដីរីករាយសប្បាយនឹងរំពឹងថា នឹងបានទទួលនូវទស្សនទានយ៉ាងច្រើនលើសលប់ពុំខាន។ព្រះគ្រូណយ ណេត បានមានសង្ឃដីកាបន្តថា បុណ្យបញ្ចុះខណ្ឌសីមាធ្វើឡើងរយៈពេលប្រាំមួយទៅប្រាំពីរថ្ងៃ ហើយក្នុងថ្ងៃ នីមួយៗបានរៀបចំពិធីទៅតាមបែបគន្លងនៃព្រះពុទ្ធសាសនា លុះដល់ថ្ងៃសៅរ៍ ៨កើត ខែជេស្ឋ បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៧ ខែឧសភា ឆ្នាំ២០២៣ បានរៀបចំពិធីជួបសំណេះសំណាលចែកអំណោយ និងកាត់ឫសសីមាព្រះវិហារថ្មីដាក់ឲ្យប្រើប្រាស់ជាផ្លូវការក្រោមអធិបតីភាព ខ្ពង់ខ្ពស់សម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចសង្ឃរាជនៃព្រះរាជាណាចក្រកម្ពុជា៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ