ថ្ងៃសុក្រ ទី០១ ខែមីនា ឆ្នាំ២០៥០
គេហទំព័រ រស្មីកូនខ្មែរ
ព័ត៌មានថ្មីបំផុត
ក្រុមគ្រួសា​រជន​រងគ្រោះ ដែលដឹក​ឈើផ្ទះ​ចាស់ ពីស្រុកវើន​សៃ ខេត្តរតនគិ​រី មកស្រុកកំ​ណើត ដើម្បី​សង់លំ​នៅដ្ឋាន សំរាប់​រស់នៅ ឱ្យបាន​សមរម្យនឹងគេ ម​កដល់ពេលនេះ​ នៅតែទទូចអង្វរ ស្នើ​សុំកិច្ចអ​ន្តរាគមន៍​ពីរក្រសួងពាក់​ព័ន្ធ​ជាពិ​សេសសុំស​ម្ដេចតេ​ជោ ហ៊ុន សែន​ នាយករដ្ឋមន្ត្រី នៃកម្ពុជា ដើម្បីទទួល​បានយុត្តិធ​ម៌ ខណ:​លោក ស្រ៊ីវ គឹមស្រស់ ព្រះរាជ​អាជ្ញារង នៃ​អយ្យការ អមសាលា​ដំបូងខេត្ត តាកែវ បាន​ដឹកនាំកម្លាំងស​មត្ថកិច្ច​ចម្រុះ ចុះម​កនាំគ្នា ធ្វើការហ៊ុ​ព័ទ្ធ និងបានចាប់ រឹបអូ​សយកឈើ​ផ្ទះចាស់ និងរថ​យន្ត ទាំងក្ដីអយុត្តិធម៌ជាទីបំផុត
Sat,04 February 2023 (Time 02:55 PM)
ដោយ ៖ រស្មីកូនខ្មែរ (ចំនួនអ្នកអាន: 98នាក់)

ខេត្តតាកែវ៖ក្រោយពីរអង្គភាពសារព័ត៌មានយើងជាច្រើនអង្គភាព បានធ្វើការផ្សព្វ​ផ្សាយមួយលេ​ខកន្លង​មក ស្តីពី ឈ្មោះ ធីប វណ្ណា និងប្រពន្ធឈ្មោះ ច​ម គឹមលន ព្រមទាំង កូនប្រុសឈ្មោះ ស៊ុត វណ្ណៈ​គឺជាក្រុមគ្រួសារ ១​ទទួលរងនូវរឿង អ​យុត្តិធម៌មិនអា​ចទទួលយកបាន ពីរសំណាក់លោក គឹម​ស្រស់ ព្រះរា​ជអាជ្ញារងសាលា​ដំបូងខេត្តតាកែ​វ បាន​ដឹកនាំកម្លាំងសមត្ថកិច្ច រួមមានមេព្រៃឈ្មោះ ច័ន្ទ សុវ​ណ្ណា នាយផ្នែករដ្ឋបា​លព្រៃឈើ ត្រាំកក់ ​បាននាំចុះមក​យ៉ាងតក់ក្រល់ ធ្វើការហ៊ុព័ទ្ធ ហើយ​រឹបអូសរថយន្តនិ​ងឈើផ្ទះ​ចាស់របស់ពួក​យើងខ្ញុំយកទៅបាត់​ទាំងកណ្ដាល​ថ្ងៃ។ហេតុការណ៍នេះ គឺកើតឡើង​កាលពីថ្ងៃទី១៩ ខែធ្នូ ឆ្នាំ២០​២២ នៅក្នុងទីធ្លាដីភូមិ ផ្ទះកូនប្រុសរបស់​យើងខ្ញុំឈ្មោះ ស៊ុត វណ្ណៈ ​ស្ថិតនៅក្នុងភូមិព្រៃ​មាស ឃុំអង្គខ្នុរ ​ស្រុកទ្រាំង ខេត្តតាកែវ ទាំងក្ដីអយុត្តិធម៌​ជាទីបំផុត​ដោយ​ក្រុមគ្រួសា​ររបស់យើងខ្ញុំ ទទួ​លយកមិន​នោះឡើយ អំពីរសកម្មភាព រឹបអូសយករថ​យន្តរួមទាំង​ឈើផ្ទះ​ចាស់ដោយ​មានលិខិតទិញ​លក់ឈើផ្ទះ​ចាស់ទៀតផង។ ​ជាក់ស្ដែងយោងតាមការអះអាង របស់លោ​ក ធីប វណ្ណា និងប្រពន្ធឈ្មោះ ចេ​ម គឹមលន ព្រមទាំ​ងឈ្មោះ ស៊ុត វណ្ណ: ដែលជា​ជនរង​គ្រោះ បានរៀបរា​ប់ប្រាប់ក្រុមអ្នក​សារព័ត៌មានយើង ទាំងអួលដើម.ក ទឹកភ្នែករលីងរលោងថា ពួក​គាត់មាន​លុយកាក់បន្តិចបន្តួចចង់បានលំនៅដ្ឋានដើម្បីប្រពន្ធកូនរស់នៅ ឱ្យបានសមរម្យនឹងគេ ក៏បា​នប្រម៉ែប្រមូល និងប្រចាំដីធ្លី ដីភូមិខ្លះ ហើយយកប្រាក់ទៅរកទិញផ្ទះចាស់នៅឯខេត្តរតនគិរី ទំរាំនឹ​ងទិញបានប្រើ​រយ:ពេលជាច្រើនខែ លុះទិញបានហើយក៏នាំគ្នាធ្វើលិខិត ទិញលក់លិខិតរុះរើ ដែល​មានការទទួល​ស្គាល់ ដឹង​លឺ ពីអាជ្ញាធរ ជាពិសេសមា​នការត្រួតពិនិត្យ​ពីមន្ត្រីជំនាញរដ្ឋបាល​ព្រៃនៅទីនោះយ៉ាងត្រឹម​ត្រូវ ។យោងតាមលិខិតបញ្ជាក់ លេខៈ៣៦៦/២២ ចុះថ្ងៃទី១៦ ខែធ្នូ ឆ្នាំ២០​២២ ដែលចុះហត្ថលេខាដោយលោក ហ្វង ឡៅ មេឃុំ ប៉ាកាឡាន់ និងលោក ហូម លឿន មេភូមិ​កំពង់​ចាម។ ព្រមទាំងលិខិតសុំការអនុញ្ញាតរុះរើឈើផ្ទះចាស់ លេខ ៣៦៧/២២ ចុះថ្ងៃទី១៦ ខែ​ធ្នូ ឆ្នាំ២០២២ ចុះហត្ថលេខាដោយលោក ហ្វង ឡៅ មេឃុំប៉ាកាឡាន់ និង លិខិតលេខ ១៨៦៧/២២ ចុះថ្ងៃទី​១៦ ខែធ្នូ ឆ្នាំ២០២២ ចុះហ​ត្ថលេខា ដោ​យលោក ហេង សាវឿន អភិបាលស្រុកវើនសៃ។ និង យោងតាម កំ​ណត់ហេតុ ស្តី​ពីការត្រួតពិនិត្យគ្រឿងឈើផ្ទះចាស់ នាឆ្នាំ២០២២ ខែធ្នូ ថ្ងៃទី១៨ ដែល​មានសមាសពចូលរួម៖
1-លោក ខាំ ផាន់ថង អធិការរងនគរបាលស្រុកវើនសៃ
2-លោក ខេង សុភឿង អធិការរងនគរបាលស្រុកវើនសៃ
3-លោក ភី សុងលី នា​យផ្នែកនគរបាលស្រុកវើនសៃ
4-លោក ជា ម៉ុង​ នាយផ្នែកនគរបាលស្រុកវើនសៃ
យោងតាមខ្លឹមសា​រក្នុងលិខិតនេះបាន​សរសេរថា÷​នៅ​វេលាម៉ោង8 និង55 ​នាទី យើងសមត្ថកិច្ច​រដ្ឋបាលព្រៃ​ឈើមូលដ្ឋាន ​សហការជា​មួយអធិការនគរបាលស្រុកវើនសៃ ដែលមានសមាស​ភាព​ចូលរួមដូច​ខាងលើ​នេះ បានចុះត្រួតពិ​និត្យដល់និ​យាមការ (695930-1544922) ស្ថិតនៅភូមិ​បាន​ហ្វាំង ឃុំប៉ុង ស្រុកវើនសៃ ខេត្តរតនគិរី បានជួបប្រទះរថយន្តមួយគ្រឿង ក្បាលពណ៌.ស ពាកើ​ស្លាកលេ​ខ កំពង់ចាម 3A-6826 កន្ទុយ រឺម៉កពណ៌ខៀវ ពាក់ស្លាកលេខ ភ្នំពេញ 4A-4392 ដឹកជ​ញ្ជូនឈើគ្រឿងផ្ទះ​ចាស់ ម្ចាស់​ឈ្មោះ ស៊ុត វណ្ណ: ភេទប្រុស អាយុ ២៨ ឆ្នាំ ទីលំនៅខេត្តតាកែវ។ នៅពេ​លត្រួតពិនិត្យ សមត្ថកិច្ចយើងឃើញមានលិខិត ទិញ លក់ ភាគីទាំងសងខាង បញ្ជាក់​ពីលោក​មេភូមិ មេឃុំ និងអភិបាលស្រុក។បន្ទាប់មកស​មត្ថកិច្ចយើង ឃើញមានឈើគ្រឿងផ្ទះចាស់ ពុំមាន​ឈើថ្មីបង្កប់នោះទេ ។បន្ទាប់ម​កសមត្ថកិច្ចយើង បានប្រគល់រថយន្ត និងឈើគ្រឿងផ្ទះចាស់ ឱ្យ​ម្ចាស់​វិញដើម្បីដឹកទៅស្រុក កំណើតសង់លំនៅដ្ឋាននៅពេលនោះតែម្ដងទៅ។
គាត់ថាធ្វើដំណើរជិត២៤ម៉ោងឆ្លងកាត់៨ខេត្តគឺ÷
១.ខេត្តរតន​គិរី ២.ខេត្តស្ទឹងត្រែង ៣.ខេត្តក្រចេះ ៤.ខេត្តត្បូងឃ្មុំ ៥.ខេត្តកំពង់ចាម ៦.ខេត្តកណ្ដាល ៧.រាជធានីភ្នំ​ពេញ ៨.ខេត្តតាកែវ។ តែជាអកុសល់ ដឹកមក​ដល់ស្រុ​កកំណើតភ្លាម ត្រូវបានលោក ស៊្រីវ ​គីមស្រស់ ព្រះរាជអាជ្ញា​រង នៃតុលាកា​រ ខេត្តតាកែវ និង លោក ច័ន្ទ សុវណ្ណា នាយផ្នែករ​ដ្ឋបាលព្រៃឈើ​ ត្រាំកក់ ដឹកនាំ​កម្លាំងសមត្ថកិ​ច្ចជាច្រើននាក់មកឡោមព័ទ្ធ ចោទថាពួកយើងខ្ញុំ​ដឹកឈើគ្រឿង​ឈើផ្ទះចាស់ លួចបង្កប់​ឈើថ្មី ទោះបីពួកយើងខ្ញុំបង្ហាញលិខិតស្នាម និងខិតខំ​សំពះសុំអង្វក៏​យ៉ាងណាក៏មិនព្រមស្ដាប់ មិនព្រមមើលលិខិតនោះឡើយ ។ការពិតយើងខ្ញុំ​ហ៊ាន​ដាក់ជីវិត និង​ហ៊ានប្រឈមមុ​ខទទួលខុសត្រូវ​ចំពោះមុខច្បាប់ ​បើសិនជាក្នុងករណីរកឃើញថា យើងខ្ញុំពិត​ជាបានដឹកឈើថ្មីបង្កប់មែននោះ។គាត់បញ្ជាក់ថា÷ ឈើផ្ទះចាស់ខាងលើ​នេះបានទិញ​ពីឈ្មោះ ប៉ិច ធី និង ប្រជា​ពលរដ្ឋ រស់នៅក្នុងភូមិកំ​ពង់ចាម ឃុំប៉ាកាឡាន់ ស្រុកវើនសខេត្តរតនគិរី ហើយយើង​ខ្ញុំបានដឹកមកនេះសុទ្ធតែជា​ឈើដែលរុះរើពីផ្ទះចាស់ដែ​លពួកគាត់បានទិញពី​បងប្អូន​ប្រជា​ពលរដ្ឋខាងលើនេះ ពិ​តប្រាកដមែន ក្រុមគ្រួសារ​យើងខ្ញុំនៅតែប្រកា​ន់គោលជំហរថា ពួ​កគា​ត់ដាច់ខាតគឺមិ​នហ៊ានបំពាន ច្បាប់ ដឹកឈើថ្មីនោះឡើយ។ ទោះមានការអង្វ​រក៌និងបង្ហាញ​លិខិត​ស្នាមយ៉ា​ងណាក៌ដោយក៌ លោក ស្រ៊ី​វ គឹមស្រស់ ព្រះរាជអាជ្ញារង នៃសាលា ដំបូងខេត្តតាកែវ រូបនេះ នៅ​តែដឹកនាំបញ្ជា កម្លាំងសម​ត្ថកិច្ច រួមមានមេព្រៃ បា​នចុះមកធ្វើការហ៊ុព័ទ្ធចាប់ រឹបអូ​សរថ​យន្តនិងឈើផ្ទះចាស់ទាំងកណ្ដាលថ្ងៃទៅបាត់។ ហើយថាចាប់យកមកឲ្យម្ចាស់បង់ផាកពិន័យ ឲ្យខានតែបា​នក្នុងតម្លៃរាប់ម៉ឺ​នដុល្លាឯណោះ។ ដោយសារតែពួកគាត់មិនព្រមបង់ គឺមានហេតុផល និងភាពជាក់ស្តែងសុទ្ធតែជាឈើផ្ទះចាស់ៗ ដែលមានលិខិតស្នាម ត្រួតពិនិត្យត្រឹមត្រូវ ពីអាជ្ញាធរ​ក្នុងខេត្តរ​តនគិរី ឲ្យពួកគាត់ទៅបង់ផា​កពិន័យ ថាឈើថ្មីទៅវិញគឺពួកគាត់មិនព្រមដាច់ខាត ។ ពួក​គាត់ជាប្រជាពលរដ្ឋល្ងិតល្ងង់ មិនយល់ពីច្បាប់នោះទេ ដោយ​លោកព្រះរាជអា​ជ្ញារងនាំយករថ​យន្តដឹកឈើផ្ទះចា​ស់ទៅ ដើម្បីឲ្យមន្ត្រីជំនា​ញត្រួត​ពិនិត្យមើល ពេលឃើ​ញឈើផ្ទះចាស់ បែជាឲ្យ​ពួកគាត់ប​ង់ផាក​គុណពិន័យ​ឈើថ្មីទៅវិញគា​ត់ថា គិតយ៉ាងណា ក៏ពួកគាត់ នៅតែមិនយល់។ មួយវិញ​ទៀត ពួកគាត់ក៏គ្មា​នលុយ រាប់ម៉ឺ​នដុល្លាឯណានោះដែរ ពួកគាត់សង្ឃឹម និងជឿជាក់យ៉ា​ងមុតមាំ ទៅលើប្រមុខ​ ថ្នាក់ដឹកនាំរាជ​រដ្ឋាភិបាលថា​ពិតជាជួយ អន្តរាគមន៍ ទៅក្រសួង ដែលមានការពា​ក់ព័ន្ធ ដើម្បីរកភាពយុត្តិធម៌​ ជូនដល់ពួក​គាត់ដែលជា​ជនរងគ្រោះ ​តែប៉ុណ្ណោះ ។

ជាក់​ស្តែងនៅថ្ងៃទី០៤ ខែ កុម្ភះ ឆ្នាំ២០២៣ ក្រុមគ្រួសារជនរងគ្រោះឈ្មោះ ធីប វណ្ណា និងប្រពន្ធ​ឈ្មោះ ចម គឹមលន ព្រមទាំង កូនប្រុសឈ្មោះស៊ុត វណ្ណៈ បានមកធ្វើលិខិ​តពឹងពាក់ឲ្យអ​ង្គភាពសារ​ព័ត៌មានជាតិយើង​ទូទាំងប្រទេ​ស ជួយធ្វើ​ការផ្សព្វផ្សាយ ដើម្បីឱ្យដំណឹងនេះ ជ្រាបដល់ក្រសួ​ងពា​ក់ព័ន្ធ ជាពិ​សេសសម្ដេច​តេជោ ក្នុងរឿងពួក​គាត់ទទួលរង​នូវភាពអយុ​ត្តិធម៌ ពីសំណាក់ លោក ស៊្រីវ គឹមស្រស់ ព្រះរាជអាជ្ញារង​សាលាដំបូងខេត្ត​តាកែវនិង​លោក ច័ន្ទ សុវណ្ណា បានរួមគំនិត ឃុបឃិតគ្នា ដឹក​នាំកម្លាំង​សមត្ថកិច្ច នាំយក​រថយន្តដឹកឈើផ្ទះចាស់រប​ស់ពួកគាត់ទៅទាំងកំរោល ។ដើម្បី​ឲ្យមន្ត្រីជំនាញ​ត្រួតពិនិ​ត្យមើល ពេលឃើញឈើផ្ទះចាស់ បែជាឲ្យពួកគាត់​បង់ផាកគុណពិ​ន័យឈើថ្មី​ទៅវិញគិ​តមកដល់ត្រឹមថ្ងៃទី ០៤ ខែ កុម្ភះ ឆ្នាំ ២០២៣ នេះគឺមិនទាន់​ទទួលបា​នឈើ​ផ្ទះចា​ស់ចំ​នួន​ជាង ៣៣ ម៉ែត្រគីប និ​ងរថយន្ត ​១ គ្រឿង ម៉ា​ក ASIA GRANTO ក្បាលពណ៌ ស ពាក់ស្លា​កលេខៈ កំពង់ចាម 3A-6826 និងកន្ទុយរ៉ឺម៉ក ពណ៌ ខៀវ ពាក់ស្លាកលេខៈ ភ្នំពេញ 4A-4392 ពេលពួក​គាត់ទៅដល់កន្លែងរដ្ឋបាលព្រៃហើយ បែរមកទារប្រាក់ពីយើងខ្ញុំចំនួន ២៥,០០០ដុល្លា គឺបានតែរថ​យន្តទៅវិញនោះទេ ? មួយវិញទៀតនោះពួកគាត់បានដើរមើល រថយន្ត និងឈើផ្ទះ​ចាស់របស់គាត់នោះ គាត់ស្ទើរចង់គាំងបេះដូង ដោយពុំ​ឃើញឈើនៅ​ជិតរថយន្តនោះឡើយ ឃើញតែប៉ុន្មាន​គីបប៉ុណ្ណោះ នៅលើរថយន្ត មិនដឹងឈើទាំងនោះបាត់ទៅណាអស់ហើយ ភាពអស់​សង្ឃឹមរបស់គាត់សំណូមពរឲ្យអង្គភាពសារព័ត៌មានជាតិយើង ទូទាំងប្រទេសជួយ​ធ្វើការផ្សព្វ​ផ្សាយព័​ត៌មានដើម្បីឲ្យថ្នាក់ក្រសួងបានឃើញ បានជ្រាប ដូចជាលោករដ្ឋមន្ត្រីក្រសួងយុត្តិធម៌ ក្រសួង​ក​សិកម្ម រុក្ខាប្រមាញ់និងនេសាទនិង លោក ឱម យ៉ិនទៀង ប្រធានអង្គភាពប្រ​ឆាំងអំពើពុក​រលួយ ជាពិសេស សំណូមពរ​ដល់សម្ដេចអគ្គមហា​សេនាបតីតេជោ ហ៊ុន សែន នាយករដ្ឋមន្ត្រីនៃ​ព្រះរាជាណាចក្រក​ម្ពុជា ដែលជាបិតា សន្តិភាព ដែលតែងតែ យកចិត្តទុកដាក់ គិតគូរអំពី សុខទុក្ខរ​បស់ប្រជា​ពលរដ្ឋយើងគ្រប់មជ្ឈដ្ឋានជាធំ ទូទាំងប្រទេស សូមមេត្តាជួយរកយុត្តិធម៌ ឲ្យក្រុ​មគ្រួសា​រខ្ញុំផងក្នុង​រឿង លោក​ ស៊ីវ គីមស្រស់​ ព្រះរាជអាជ្ញារងសាលាដំបូងខេត្តតាកែវ បានចាប់ឈើផ្ទះ​ចាស់ៗ ចំ​នួនជាង ៣៣ ម៉ែត្រគីប និង​រថយន្ត ១ គ្រឿង ​ម៉ាក ASIA GRANTO ក្បាលពណ៌ ស ពាក់​ស្លាកលេខ កំពង់ចា​ម 3A-6826 ព្រមទាំង​កន្ទុយរ៉ឺម៉ក ពា​ក់ស្លាកលេខ ភ្នំពេញ 4A-4392 ដែលគេចា​ប់នៅត្រង់​ចំណុច ភូមិព្រៃមាស ឃុំអង្គខ្នុរ ស្រុកទ្រាំង ខេត្តតាកែវ ដើម្បីឱ្យយើងខ្ញុំបាទ ទទួល​បា​នឡាន និងឈើផ្ទះចាស់ៗ មកវិញដោយក្តីអនុគ្រោះ ផងទាន

ជុំវិញការ​ចុះផ្សាយខាងលើ​នេះដែរអង្គភា​ពសារព័ត៌មា​នយើង បានសុំបំភ្លឺ ពីរ លោក ច័ន្ទ សុវណ្ណា នាយ​ផ្នែក​រដ្ឋបាលព្រៃ​ឈើត្រាំកក់ នៃ​ខណ្ឌរដ្ឋបា​លព្រៃឈើ ខេ​ត្តតាកែវ នៅ​ម៉ោង 12-50 នាទី ថ្ងៃត្រ​ង់ ត្រូវនឹងថ្ងៃទី៣ ខែ​កុម្ភៈ ឆ្នាំ២០​២៣ ដែលមានលេ​ខទូរស័ព្ទ 09​7-535 8766 គាត់ឆ្លើយថា ខ្ញុំអត់នៅ​កន្លែងទេ​បងឱ្យទៅ​សួរគេអ្នកនៅ​កន្លែង​ទៅចំ​ណែក ​លោក ស៊្រីវ គីមស្រស់ ព្រះរាជអាជ្ញារង នៃអយ្យ​ការ អមសាលាដំបូង ខេត្តតាកែ​វ លេខទូ​រស័ព្ទ 089-939 9​93 អង្គភា​ពសារព័ត៌មានយើងខ្ញុំ បានធ្វើ​ការទំនា​ក់ទំន​ងទៅជាច្រើន​លើក ដោ​យខលពុំចូ​ល នោះទេ គេប្រា​ប់ថាមិនអាចទំនាក់ទំនងបានទេ ។

អង្គភាព​សារព័ត៌មានយើង​បានផ្សព្វផ្សាយខាងលើ​នេះ ជាការជំរាបជូនដំណឹង ដល់ថ្នាក់ដឹកនាំក្នុង​ខេត្តតាកែវ ដើម្បីឱ្យលោ​កបានជ្រាបជាព័ត៌​មានជាពិសេសឯកឧត្តម អ៊ូចភា អភិបាលនៃ​គណៈអភិបា​លខេត្តតាកែវ លោកបា​នជ្រាបជាព័ត៌មា​នផងដែរ ហើយ​ចាត់ឲ្យមន្ទីរជំនាញ ចុះពិនិត្យមើល ភាពជា​ក់ស្តែង និងសូមមេ​ត្តាជួយសម្រប​សម្រួលឱ្យក្រុ​មគ្រួសារជន​រងគ្រោះ ទទួលបាន​ទាំងរថ​យន្តនិងឈើ​រចាស់ទាំងនោះ ជូនទៅដល់ប្រជា​ពលរដ្ឋដែលកំពុ​ងមានជីវ​ភាពខ្វះខាត​រងគ្រោះខា​ងលើនេះដោយក្តីអនុគ្រោះផងចុះ។អង្គភាពសា​រព័ត៌មានយើងសូម​ស្វាគមន៍រាល់ការបកស្រាយ​ពីមន្រ្តីពាក់ព័ន្ធ និងសាម៉ី​ខ្លួនជានិច្ចរៀង​រាល់ម៉ោងធ្វើការ គឺដើម្បីឆ្លុះបញ្ចាំងពីការពិតសុក្រឹត្យ និង​យុត្តិធម៌ តែប៉ុណ្ណោះ ៕

ព័ត៌មានគួរចាប់អារម្មណ៍

ឯកឧត្តម នាយ​ឧត្តមសេនី​យ៍ កែ​ គឹមយ៉ាន អញ្ជើញជួ​បសំ​ណេះ​សំណា​លជា​មួយ​គ្រិស្ទ​បរិស័ទ ​ខេត្តបន្ទាយមាន​ជ័យ (រស្មីកូនខ្មែរ)

ព័ត៌មានគួរចាប់អារម្មណ៍

បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក ស​ម្លាប់ខ្លួន នៅក្នុងបន្ទប់ទឹ​ក នៅក្នុងភូមិ​បាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)

ព័ត៌មានគួរចាប់អារម្មណ៍

អាជីវករ​នៅផ្សារប៉ាហ៊ីស ប្បាយរីក​រាយ​ក្រោយពី​លោក​ជំទាវ បាន ស្រីមុំ លើកលែ​ងមិន​យក​ថ្លៃតូប​ចំនួន៣​ខែ (រស្មីកូនខ្មែរ)

ព័ត៌មានគួរចាប់អារម្មណ៍

លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀប​ចំផែនការ ការពារ​សន្តិសុខ សណ្ដាប់ធ្នាប់ សម្រា​ប់​ថ្ងៃបើកយុទ្ធនាការឃោសនាបោះឆ្នោត និងដំណើ​រការបោះឆ្នោតជ្រើ​សតាំងតំណាងរាស្ត្រ​នីតិ​កាលទី៧ ខា​ងមុខនេះ (រស្មីកូនខ្មែរ)

ព័ត៌មានគួរចាប់អារម្មណ៍

អាវុធហ​ត្ថក្រុងប៉ោ​យប៉ែត ​ឃាត់ខ្លួន​ជនជា​តិចិន ១នាក់ និង​ខ្មែរ ១នាក់ ពាក់​ព័ន្ធក​រណី​ឃាតកម្ម​លើ​ជន​ជាតិចិ​នម្នា​ក់ នៅ​ចំណុច​ចំកា​រដំឡូងមី​ ស្ថិត​ក្នុង​ភូ​មិព្រៃគប់​ សង្កាត់​អូរឬស្សី (រស្មីកូនខ្មែរ)

វីដែអូ