(ខេត្តកណ្ដាល)៖បុរសប្រមឹកម្នាក់ត្រូវគេស្គាល់ថា ឈ្មោះ ឈុំ ហេង ហៅឆាត ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិលេខ២ សង្កាត់ស្វាយរលំ ក្រុងតាខ្មៅ ខេត្តកណ្តាល ដែលបង្កហឹង្សាលើមនុស្ស ៣នាក់ កាលពីយប់ថ្ងៃទី២៦ ខែកុម្ភៈឆ្នាំ២០២៣ នៅចំណុចក្នុងប៉ុស្តិ៍នគរបាលរដ្ឋបាលស្វាយរលំ ស្ថិតនៅក្នុងភូមិ /សង្កាត់ខាងលើ ត្រូវបានកម្លាំងសមត្ថកិច្ចចាប់ឃាត់ខ្លួន ។ ជនរងគ្រោះទី១-ឈ្មោះ សួន ឡេង ភេទប្រុស អាយុ៤៣ឆ្នាំ ជនជាតិខ្មែរ មានទីលំនៅភូមិ សង្កាត់កើតហេតុ មុខរបរនាយរងប៉ុស្តិ៍ស្វាយរលំ រងរបួសរយះហូរឈាមត្រង់ក្តោងច្រមុះ។ទី២-ឈ្មោះ រិម យូសុស ភេទប្រុស អាយុ៤០ឆ្នាំ ជនជាតិខ្មែរ មានទីលំនៅភូមិ សង្កាត់កើតហេតុ មុខរបរប្រជាការពារ រងរបួសស្នាមត្រង់ដៃ ។ទី៣-ឈ្មោះខាត់ សុខេន ភេទប្រុស អាយុ៤០ឆ្នាំ ជនជាតិខ្មែរ មានទីលំនៅភូមិ សង្កាត់កើតហេតុ មុខរបរអនុប្រធានភូមិលេខ៣។ វត្ថុតាងដកហូតបានមាន៖កាបិតប៉័ងតោពណ៌ខ្មៅចំនួន០១(របស់ជនសង្ស័យ) ,ម៉ូតូ០១គ្រឿងម៉ាកCub ជ្រុងពណ៌ទឹកប៊ិក ពាក់ស្លាកលេខកណ្តាល១j-៧០៣៥ ។ប្រភពព័ត៌មានបានឲ្យដឹងថា មុនពេលពេលកើតហេតុ ជនសង្ស័យបានផឹកស្រាបៀរ និងស្រាថ្នាំជាមួយបងស្រីរបស់ខ្លួន២នាក់ទៀត បណ្តាលអោយស្រវឹងយ៉ាងខ្លាំង ពេលនោះបងស្រីរបស់ខ្លួនបាននិយាយប្រាប់ជនសង្ស័យថា ប៉ូលិសប៉ុស្តិ៍ស្វាយរលំ រកវាយគាត់ ទើបជនសង្ស័យខឹងក៏បានយកកាំបិតប៉័ងតោកាន់ជាប់នឹងដៃជិះម៉ូតូមួយគ្រឿងចូលដល់ក្នុងប៉ុស្តិ៍ស្វាយរលំ ដើរសួររកប៉ូលិ៍សដែលរកវាយបងស្រីរបស់ខ្លួន។ ពេលនោះជនសង្ស័យបានយកកាំបិតដេញកាប់ទៅលើជនរងគ្រោះជានាយរងប៉ុស្តិ៍ស្វាយរលំម្នាក់ឈ្មោះសួន ឡេង ។ ពេលឃើញដូចនេះជនរងគ្រោះទាំង៣នាក់បាននាំគ្នាទៅប្រតាយប្រតប់ដណ្តើមកាំបិតពីជនសង្ស័យ បណ្តាលឱ្យជនរងគ្រោះទាំង៣នាក់ មានរបួសស្នាមដូចរៀបរាប់ខាងលើតែម្តង។ក្រោយកើតហេតុជនសង្ស័យ ក៏ត្រូវសមត្ថកិច្ចប៉ុស្តិ៍ស្វាយរលំធ្វើការឃាត់ខ្លួនបានរួចបញ្ជូនទៅកាន់អធិការដ្ឋាននគរបាលក្រុងតាខ្មៅ ដើម្បីចាត់ការបន្តតាមនីតិវិធីច្បាប់ ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ