ខេត្តបន្ទាយមានជ័យ៖បេក្ខសមណៈ បេក្ខជនចំនួន ២៧០អង្គ នាក់ ត្រូវបានធ្វើការប្រឡងវិញ្ញាបនបត្រ ពុទ្ធិកបឋមសិក្សា ២០២២-២០២៣ នៅសាលាពុទ្ធិកវិទ្យាល័យ សម្ដេចជាស៊ីម ក្នុងបរិវេណវត្ត ចមសុទ្ធាវាស ហៅវត្ត ស្វាយចាស់ ក្រុងសិរីសោភ័ណ ខេត្តបន្ទាយមានជ័យ នាចុងសប្តាហ៍កន្លងទៅថ្មីៗនេះ ក្រោមអធិបតីភាពឯកឧត្តម អ៊ុំ រាត្រី អភិបាលខេត្តបន្ទាយមានជ័យ។លោក បៀវ ថាន ប្រធានមន្ទីរធម្មការនិងសាសនាខេត្តបានឲ្យដឹងថា វិញ្ញាសាប្រឡងនាថ្ងៃនេះមានចំនួន ៦ មុខវិជ្ជា ទី១ វិញ្ញាសាភាសាបាលី ទី២ វិញ្ញាសាតែងសេចក្ដី ទី៣ វិញ្ញាសាប្រវត្តិ ភូមិ វិទ្យាសាស្ត្រអនុវត្តទី៤ វិញ្ញាសាពុទ្ធវិន័យ ពុទ្ធប្រវត្តិ ទី៥ វិញ្ញាសាសរសេរតាមអាននិងទី ៦ វិញ្ញាសាគណិតវិទ្យា។ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានមានប្រសាសន៍ថា ក្នុងការអភិវឌ្ឍន៍វិស័យអប់រំកម្ពុជា ជាមួយនឹងការចាប់ផ្ដើមអនុវត្តនូវយុទ្ធសាស្ត្រចតុកោណដំណាក់កាលទី ៤ សម្រាប់នីតិកាលទី ៦ នៃរដ្ឋភា បានដាក់ចេញគោលនយោបាយអប់រំជាតិគឺ ការពង្រឹងគុណភាពវិស័យអប់រំ ពោលគឺលើកកម្ពស់ចំណេះដឹង សមត្ថភាព គុណធម៌ សីលធម៌ មនសិការស្នេហាជាតិ និងស្មារតីទទួលខុសត្រូវ។ ចំពោះវិស័យពុទ្ធិកសិក្សាវិញ រាជរដ្ឋាភិបាលក៏បានដាក់ចេញនៅកម្មវិធីនយោបាយ បន្តការគោរពសេរីភាពខាងជំនឿ និងសាសនា លើកស្ទួយព្រះពុទ្ធសាសនាដែលជាសាសនារបស់រដ្ឋ ជាពិសេសការបន្តពង្រឹងនិងពង្រីកវិស័យពុទ្ធិកសិក្សា ឱ្យមានទាំងបរិមាណនិងគុណភាព នៅគ្រប់កម្រិត។ព្រះសង្ឃ នៅក្នុងខេត្តបន្ទាយមានជ័យនេះ ព្រះអង្គតែងតែយកចិត្តទុកដាក់ក្នុងការសិក្សា ធម៌វិន័យបានខ្ជាប់ខ្ជួន ជាពិសេសព្រះអង្គបានខិតខំប្រឹងប្រែងបំពេញកាតព្វកិច្ចរបស់ខ្លួន ព្រះអង្គជាសមណសិស្ស ដើម្បីត្រៀមខ្លួនក្នុងការប្រឡងយកវិញ្ញាបនបត្រកម្រិតពុទ្ធិកបឋមសិក្សា(បាលីរង)។ ជឿជាក់ថាព្រះពុទ្ធសាសនានៅកម្ពុជាយើង អាចគង់វង្សយូរអង្វែងបាន អាស្រ័យលើព្រះគុណម្ចាស់ និងពុទ្ធបរិស័ទគ្រប់រូបបានសិក្សាព្រះបរិយត្តិ និងបដិបត្តិតាមមាគ៌ាដ៏ត្រឹមត្រូវ របស់ព្រះពុទ្ធជាម្ចាស់៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ