ខេត្តបន្ទាយមានជ័យ៖ដើម្បីពង្រឹងគុណភាពនូវរបៀបនៃការគ្រប់គ្រងនិងបង្ហាត់បង្រៀន តាមមុខវិជ្ជានីមួយៗ ក្នុងកម្រិតពុទ្ធិកបឋមសិក្សាឲ្យកាន់តែល្អប្រសើរនោះ មន្ទីរធម្មការនិងសាសនាខេត្តបន្ទាយមានជ័យ សហការជាមួយសាលាគណខេត្តទាំងពីរគណៈ បានរៀបចំបើកវគ្គបណ្ដុះបណ្ដាលគណៈគ្រប់គ្រងនិងគ្រូបង្រៀន ពុទ្ធិកបឋមសិក្សាទូទាំងខេត្តបន្ទាយមានជ័យ ក្រោមអធិបតីភាពលោកជំទាវឧកញ៉ា ហេមចិត្តា អគ្គមហាឧបាសិកា ពុទ្ធសាសនូបត្ថម ម៉ៅម៉ាល័យ កែ គឹមយ៉ាន ប្រធានកិត្តិយស សមាគមនារីដើម្បីសន្តិភាពខេត្តបន្ទាយមានជ័យ ។ពិធីនេះធ្វើឡើងនៅបរិវេណវត្តប្រាសាទស្រះកណ្ដាល"ខ្ចាស់" ស្រុកព្រះនេត្រព្រះ ។វគ្គបណ្ដុះបណ្ដាលនេះមានរយៈពេល ៣ថ្ងៃ និងមានការឧបត្ថម្ភពីសំណាក់លោកជំទាវឧកញ៉ា ម៉ៅម៉ាល័យ កែ គឹមយ៉ាន និងព្រះធម្មាលង្ការមុនី ចាន់ សុជន ព្រះគ្រូចៅអធិការវត្តប្រាសាទស្រះកណ្ដាល"ខ្ចាស់"។ព្រះធម្មាលង្ការមុនី ចាន់ សុជន ព្រះអង្គមានសង្ឃដីកាថា វគ្គបណ្ដុះបណ្ដាលគណៈគ្រប់គ្រងនិងគ្រូបង្រៀន ពុទ្ធិកបឋមសិក្សានាថ្ងៃនេះមានសារៈសំខាន់ណាស់ និងក្នុងគោលបំណងឲ្យសិក្ខាកាមទាំងអស់ បានយល់ដឹងបន្ថែមទៀតពីរបៀបនៃការគ្រប់គ្រងសាលារៀន និងអាចយល់ដឹងបន្ថែមអំពីបច្ចេកទេសថ្មីៗ ក្នុងការបង្ហាត់បង្រៀនតាមមុខវិជ្ជានីមួយៗ ក្នុងកម្រិតពុទ្ធិកបឋសិក្សាទូទាំងខេត្ត ឱ្យទទួលបានជោគជ័យ។ លោក បៀវ ថាន ប្រធានមន្ទីរធម្មការនិងសាសនាខេត្តបានមានប្រសាសន៍ថា ចំណេះវិជ្ជាគឺជាទ្រព្យសម្បត្តិដ៏មហាសាលដូចនេះការពង្រឹងគុណភាពនៃការគ្រប់គ្រង លើអភិបាលកិច្ចគ្រប់លំដាប់ថ្នាក់ជួរមន្ត្រីសង្ឃ ត្រូវផ្សារភ្ជាប់និងបច្ចេកវិទ្យា ទំនើបដើម្បីឲ្យកិច្ចការព្រះពុទ្ធសាសនាមានសណ្ដាប់ធ្នាប់ល្អ ធានាបាននូវសាមគ្គីភាព គួរយកចិត្តទុកដាក់ចំពោះពុទ្ធិកសិក្សាជាការចាំបាច់យ៉ាងសំខាន់ ដែលត្រូវពង្រឹងព្រមទាំងត្រូវប្រកាន់យកព្រះពុទ្ធឱវាទ ធ្វើជាប្រទីបបំភ្លឺផ្លូវ សម្រាប់អប់រំចរិយាធម៌ ជម្រះចោលនូវគំនុំច្រណែននិន្ទា ឈ្នានីសប្រកបដោយអហិង្សា។ចុងក្រោយលោក បៀវ ថាន ក៏បានធ្វើការពិតប្រគេនដល់ព្រះសង្ឃជាសិក្ខាកាម ព្រមទាំងលោកគ្រូអ្នកគ្រូទាំងអស់ ត្រូវយកចិត្តទុកដាក់ស្តាប់តាមការពន្យល់ណែនាំរបស់គ្រូឧន្ទេស ដែលបានឡើងធ្វើបទបង្ហាញនិងបង្រៀនលើខ្លឹមសារផ្សេងៗ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ