ខេត្តកណ្ដាល៖មន្ទីរសំរាកព្យាបាល និងសម្ភព ចតុមុខ ត្រូវបានសម្ភោធជាផ្លូវការ កាលពីព្រឹកថ្ងៃទី១៧ ខែមករា ឆ្នាំ២០២២ ក្រោមអធិបតីភាពឯកឧត្តមសាយសំអាល់រដ្ឋមន្ត្រីក្រសួងបរិស្ថាន និងឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្ត ឯកឧត្តម គង់ សោភ័ណ្ឌ អភិបាលខេត្តកណ្ដាល។លោកវជ្ជបណ្ឌិតឯកទេស ឈឿន ប៊ុណ្ណារិទ្ធិ នាយកប្រតិបត្តិមន្ទីរសម្រាកព្យាបាល និងសម្ភព ចតុមុខ បានឲ្យដឹងថា មន្ទីរសម្រាកព្យាបាល និងសម្ភព ចតុមុខ មានទីរងតាមបណ្ដោយ ផ្លូវ១១៥ (២១B) ភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។មន្ទីរសម្រាកព្យាបាល និងសម្ភព ចតុមុខ បើកបម្រើសេវាកម្ម២៤ម៉ោង ដោយមានទទួល ពិនិត្យ និងព្យាបាលលើ ផ្នែកជំងឺទូទៅ ផ្នែករោគស្ត្រី និងសម្ភព ផ្នែកវះកាត់ទូទៅ និងឆ្អឹង ផ្នែកកុមារ និងផ្នែកមន្ទីរពិសោធន៍ ព្រមទាំងទទួលពិនិត្យព្យាបាលសមាជិក បេឡាជាតិសន្តិសុខ សង្គម (ប.ស.ស) ដោយឥតគិតថ្លៃ។ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានសំដែងនូវការអបអរសាទរដល់មន្ទីរសម្រាប់ព្យាបាល និងសម្ភព ចតុមុខ ដែលបានសម្ពោធដាក់ឲ្យដំណើរការនៅពេលនេះ ដែលនេះសបញ្ជាក់ឱ្យឃើញពីសន្តិភាព ក្រោការដឹកនាំប្រកបដោយគតិបណ្ឌិត របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានធ្វើឱ្យប្រទេសមានសុខសន្តិភាពពេញលេញ និងមានការរីកចម្រើនលើគ្រប់វិស័យ ក្នុងនោះរួមទាំងវិស័យសុខាភិបាលផងដែរ។ឯកឧត្តម សង្ឃឹមថា មន្ទីរសំរាកព្យាបាល និងសម្ភព ចតុមុខ នេះ គឺជាកន្លែងមួយដែលជួយព្យាបាលជូនប្រជាពលរដ្ឋនៅក្រុងតាខ្មៅ ក៏ដូចជាប្រជាពលរដ្ឋទូទៅប្រកបដោយគុណភាព ខ្ពស់ ដោយប្រកាន់ខ្ជាប់នូវក្រមសីលធម៌ និងវិជ្ជាជីវៈរបស់ក្រុមគ្រូពេទ្យ។ក្រៅពីការព្យាបាលប្រជាពលរដ្ឋ ឯកឧត្តម សង្ឃឹមថាទីនេះគឺជាទីកន្លែងមួយសម្រាប់ផ្ដល់ឱកាសដល់និស្សិតពេទ្យដទៃទៀត ក្នុងការសិក្សា ស្វែងរកនូវបទពិសោធន៍ ដោយប្រែក្លាយទីនេះទេជាកន្លែងបណ្ដុះបណ្ដាលសម្រាប់និស្សិតពេទ្យក្មេងៗជំនាន់ក្រោយផងដែរ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ