ខេត្តបន្ទាយមានជ័យ៖នៅថ្ងៃទី១៥ ខែមករា ឆ្នាំ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំក្រុមការងារ នាំយកអំណោយជាគ្រឿងឧបភោគ បរិភោគ រួមមានៈទឹកសុទ្ធវីតាល់ ចំនួន៤០កេស,មីចំនួន៤០កេស,ត្រីខចំនួន០៥កេសធំ,ទឹកស៊ីអ៊ីវចំនួន១០យួរ,ទឹកត្រីចំនួន១០យួរ ជាអំណោយរបស់ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ជាប្រធានក្រុមការងាររាជរដ្ឋាភិបាល ចុះជួយខេត្តបន្ទាយមានជ័យ និងលោកជំទាវអគ្គមហាឧបាសិកាពុទ្ធសាសនូបត្ថម្ភក៏ ម៉ៅ ម៉ាល័យ ទៅចែកជូនដល់សិស្សនិស្សិតប្រុសស្រីក្រីក្រមកពីជនបទចំនួន៤៤នាក់ ដែលកំពុងស្នាក់នៅនិងរៀនសូត្រនៅ វិទ្យាស្ថានពហុបច្ចេកទេស ខេត្ត បន្ទាយមានជ័យ។នាឱកាសនោះលោកឧត្តមសេនីយ៍ទោ សិទ្ធិ ឡោះ ក៏បានផ្តាំផ្ញើដល់ប្អូនៗ ក្មួយៗសិស្សានុសិស្សទាំងអស់ ត្រូវនៅឲ្យឆ្ងាយពីគ្រឿងញៀន ត្រូវប្រឹងប្រែងរៀនសូត្រយកចំណេះ ជំនាញ ទៅប្រើប្រាស់សម្រាប់ប្រកបរបរចិញ្ចឹមជីវិតនៅពេលអនាគត។ត្រូវបន្តអនុវត្តន៍វិធានការសុខាភិបាលគឺ ៣កុំ ៣ការពារ ដើម្បីគេចផុតពីជម្ងឺកូវីដបំលែងថ្មី។លោកស្រី សំរិទ្ធ សូរ្យជាតិ នាយិកាវិទ្យាស្ថានពហុបច្ចេកទេស ខេត្តបន្ទាយមានជ័យ ក៏បានសម្តែងនូវការរីករាយ និងសូមថ្លែងអំណរគុណ ដល់លោកស្នងការតែងតែគិតគូសុខទុក្ខ ជីវភាពរស់នៅនិងការហូបចុកប្រចាំថ្ងៃរបស់សិស្ស និស្សិតមកពីជនបទដែលកំពុងស្នាក់នៅរៀនសូត្រជាបន្តបន្ទាប់។ទន្ទឹមគ្នានោះលោកស្រី ក៏បានស្នើសុំដល់លោកឧត្តមសេនីយ៍ស្នងការ ជួយចាត់បញ្ជូនមន្ត្រីជំនាញ ចុះបណ្តុះបណ្តាលវគ្គជំនាញបង្ការ ទប់ស្កាត់ ពន្លត់អគ្គីភ័យដល់ប្អូនៗសិស្សានុសិស្សទាំងអស់គ្នាផង ដើម្បីពួកគាត់ទទួលបានចំណេះដឹង និងបទពិសោធន៍ថ្មី៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ