ខេត្តបន្ទាយមានជ័យ៖កម្លាំងនគរបាលការពារព្រំដែនទី១២ កងកម្លាំងបូរផា របស់ថៃ បានចាប់ឃាត់ខ្លួនពលករខ្មែរប្រុស ស្រីចំនួន៥១នាក់ នៅគោលដៅចំនួន៣ផ្សេងគ្នា ពាក់ព័ន្ធករណីលួចឆ្លងដែន ទៅរកការងារធ្វើដោយខុសច្បាប់។យោងការចុះផ្សាយរបស់សារព័ត៌មានក្នុងស្រុករបស់ថៃ បានបញ្ជាក់ថា កាលពីថ្ងៃទី១៤ ខែមករា ឆ្នាំ២០២២ ខណៈកម្លាំង នគបាលការពារព្រំដែនទី១២ កងកម្លាំងបូរផា របស់ថៃ កំពុងចុះត្រួតពិនិត្យក្នុងភូមិសាស្រ្តទទួលខុសត្រូវរបស់ខ្លួនក្នុងខេត្តស្រះកែវ ជាប់មួយខេត្តបន្ទាយមានជ័យ របស់កម្ពុជា ក៏បានប្រទះឃើញពលករខ្មែរលួចឆ្លងដែនតាមច្រករបៀង ចូលប្រទេសរបស់ខ្លួនដោយខុសច្បាប់សរុបចំនួន៣៥នាក់ ក្នុងនោះមានស្រី១៩ និងក្មេងស្រីម្នាក់ នៅបរិវេណភូមិខ្លង វ៉ា ឃុំថាប់ព្រិក ស្រុកអារញ្ញ ខេត្តស្រះកែវ។នៅពេលសមត្ថកិច្ចថៃសួរនាំពលករខ្មែរទាំងអស់ខាងលើ ពួកគេបានប្រាប់ថា ធ្វើដំណើរមកពីខេត្តបន្ទាយមានជ័យ ក្នុងគោលបំណងទៅធ្វើការនៅខេត្តប្រាជីន បុរី ក្រុងបាងកក ដោយខ្លះទៀតឆ្លើយថាទៅឈុន បុរី,នគរាជសីម៉ា,ប៉ះធុមថានី និងខេត្តសមុទ្រប្រាកាន ទើបសមត្ថកិច្ចថៃបញ្ជូនទៅឲ្យជំនាញ ដើម្បីចាត់ការតាមច្បាប់បន្ត។បន្ទាប់ពីនោះកម្លាំងទាហានថៃមួយក្រុមទៀត បានចេញល្បាតក្នុងភូមិសាស្រ្តទទួលខុសត្រូវ បានប្រទះឃើញពលករខ្មែរលួចឆ្លងដែនតាមច្រករបៀង ចូលប្រទេសដោយខុសច្បាប់ ចំនួន១០នាក់ទៀត ក្នុងនោះប្រុស៩ និងស្រីម្នាក់ ត្រង់បរិវេណភូមិណូន ផាតៈនា ឃុំផានសឹក ស្រុកអារញ្ញ ខេត្តស្រះកែវ ក្រោយពីសមត្ថកិច្ចថៃសួរនាំ បានឲ្យដឹងថា អ្នកទាំងអស់មានបំណងធ្វើដំណើរទៅធ្វើការនៅខេត្តនគរាជសីម៉ា ទើបសមត្ថកិច្ចឃុំខ្លួន ដើម្បីចាត់ការតាមច្បាប់។ដោយឡែកនៅក្នុងភូមិសាស្រ្តស្រុកតាព្រះយ៉ា ខេត្តស្រះកែវ កម្លាំងទាហានប្រាណទី១២របស់ថៃ ខណៈកំពង់ល្បាតក្នុងភូមិសាស្រ្តទទួលខុសត្រូវ ក៏បានប្រទះឃើញពលករខ្មែរ លួចឆ្លងដែនតាមច្រករបៀងចូលប្រទេសដោយខុសច្បាប់ចំនួន៦នាក់ ក្នុងនោះប្រុស៣ ស្រី២ និងក្មេងស្រីម្នាក់ នៅបរិវេណភូមិទព័សៀម ឃុំ/ស្រុក តាព្រះយ៉ា ខេត្តស្រះកែវ ទើបសមត្ថកិច្ចឃាត់ខ្លួន បញ្ជូនទៅឲ្យជំនាញស្រុកតាព្រះយ៉ា ដើម្បីចាត់ការតាមច្បាប់បន្ត៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ