ខេត្តបន្ទាយមានជ័យ៖គណប្រតិភូអគ្គិសនីកម្ពុជា បានអញ្ជើញជួបសម្តែងការគួរសមជាមួយថ្នាក់ដឹកនាំខេត្តបន្ទាយមានជ័យនៅសាលប្រជុំសាលាខេត្តបន្ទាយមានជ័យ។ក្នុងកិច្ចប្រជុំរវាងគណៈកម្មាធិការដោះស្រាយផលប៉ះពាល់អគ្គិសនីកម្ពុជាជាមួយអនុគណៈកម្មការដោះស្រាយផលប៉ះពាល់ ខេត្តបន្ទាយមានជ័យ សម្រាប់ខ្សែបញ្ជូនអគ្គិសនីតុងស្យុងខ្ពស់ ៥០០គីឡូវ៉ុលពីអនុស្ថានីយអគ្គិសនីបាត់ដំបង ទៅព្រំដែនកម្ពុជា.ថៃ។ពិធីនេះប្រព្រឹត្តទៅក្រោមអធិបតីភាពលោក ប្រាំង ជលសា អគ្គនាយករងអគ្គីសនីកម្ពុជា លោក លី សារី អភិបាលរងខេត្ត តំណាងឱ្យឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមន្ត្រីពាក់ព័ន្ធ នាថ្ងៃទី១៤ ខែមករា ឆ្នាំ២០២២។លោក ប្រាំង ជលសា អគ្គនាយករងអគ្គីសនីកម្ពុជា បានមានប្រសាសន៍ថា៖ គម្រោងនេះមានសារៈសំខាន់ណាស់ដើម្បីបង្កើនលទ្ធភាពនាំថាមពលដែលមានតម្លៃសមរម្យមកផ្គត់ផ្គង់បន្ថែមបំពេញតម្រូវការទូទាំងប្រទេស ដូចនេះដើម្បីចាប់ផ្ដើមការងារកសាងដំណើរការព្រមទាំងបញ្ចប់ដោយជោគជ័យតាមកម្មវិធីកំណត់អគ្គិសនីកម្ពុជា ស្នើសុំអភិបាលខេត្តមេត្តាជួយសម្រួល និងចាត់ចែងតាមសំណើដូចខាងក្រោម៖១/បង្កើតគណៈកម្មការដោះស្រាយផលប៉ះពាល់ សំណង់ ផ្ទះសំដែង ដីធ្លីនិងដើមឈើហូបផ្លែជាដើម ក្រុមការងារគ្រប់គ្រងុំបរិស្ថាន សង្គម និងគណៈកម្មការបណ្ដឹងសាទុក ខេត្តបន្ទាយមានជ័យឲ្យបានមុនកិច្ចប្រជុំចាប់ផ្ដើម។២/រៀបចំកិច្ចប្រជុំផ្សព្វផ្សាយនិងពិគ្រោះយោបល់លើផលប៉ះពាល់ដោយសារគម្រោងខ្សែបញ្ជូន អគ្គិសនីតង់ស្យុងខ្ពស់៥០០គីឡូវ៉ុល ពីអនុស្ថានីយអគ្គិសនីបាត់ដំបង ទៅព្រំដែនកម្ពុជា.ថៃ មុនចុះដោះស្រាយផលប៉ះពាល់ និងទូទាត់សំណងជូនប្រជាពលរដ្ឋ ដែលរងផលប៉ះពាល់ដែលបានគ្រោងទុក។៣/ស្នើសុំគាំទ្រលើគម្រោងខ្សែបញ្ជូនអគ្គិសនីតង់ស្យុងខ្ពស់៥០០គីឡូវ៉ុលពីអនុស្ថានីយអគ្គិសនីបាត់ដំបងទៅ ព្រំដែនកម្ពុជា.ថៃក្នុងភូមិសាស្ត្រខេត្តបន្ទាយមានជ័យ។លោកបានបញ្ជាក់ថា៖ គម្រោងខ្សែបញ្ជូនអគ្គិសនីនេះមានប្រវែងសរុបប្រមាណ១០៧គីឡូម៉ែត្រស្មើ និង២៥៧បង្គោល ដោយឆ្លងកាត់ភូមិសាស្ត្រស្រុកសង្កែស្រុកបាណន់ ក្រុងបាត់ដំបង ស្រុកថ្មគោល ស្រុកបវិល ស្រុកភ្នំព្រឹក ស្រុកសំពៅលូនខេត្តបាត់ដំបង និងស្រុកម៉ាឡៃខេត្តបន្ទាយមានជ័យ ដែលនឹងចាប់ផ្ដើមដំណើរការសាងសង់នៅពេលឆាប់ៗខាងមុខនេះ។នាឱកាសនោះលោក លី សារី បានថ្លែងអំណរគុណដល់គណប្រតិភូអគ្គិសនីកម្ពុជាអគ្គិសនីកម្ពុជា ដែលបានខិតខំប្រឹងប្រែងក្នុងការជួយតបណ្ដាញអគ្គិសនីក្នុងខេត្តបន្ទាយមានជ័យ ក៏ដូចជាខេត្តមួយចំនួនទៀត ដើម្បីឱ្យបងប្អូនប្រជាពលរដ្ឋបានប្រើប្រាស់កាន់តែទូលំទូលាយ។បន្ទាប់ពីបញ្ចប់នៅកិច្ចប្រជុំលោក នឹងបន្តរាយការណ៍ជូនឯកឧត្តមអភិបាលខេត្ត ដើម្បីឲ្យក្រុមការងារថ្នាក់ខេត្ត ចុះដោះស្រាយផលប៉ះពាល់អគ្គិសនីកម្ពុជា ក្នុងនោះឲ្យចូលរួមសហការជា មួយអាជ្ញាធរដែនដី មានភូមិ ឃុំ សង្កាត់ ស្រុក ចុះស្រង់ព័ត៌មានពាក់ព័ន្ធ និងផលប៉ះពាល់ដីធ្លី ផ្ទះសម្ដែង សំណង់ផ្សេងៗ និងដើមឈើដែលខ្សែបញ្ជូនអគ្គិសនីតង់ស្យុងខ្ពស់៥០០ គីឡូវ៉ុលឆ្លងកាត់តាមភូមិសាស្រ្ត ដូចបានជម្រាបជូនខាងលើ ដើម្បីជាមូលដ្ឋានក្នុងការកំណត់លើផលប៉ះពាល់ជាមុន ដោយក្រុមការងារអគ្គិសនីកម្ពុជាគ្រោងចាប់ផ្ដើមធ្វើនៅដើមសប្តាហ៍ទី១ ខែមករា ឆ្នាំ ២០២២នេះ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ