ខេត្តបន្ទាយមានជ័យ៖នាព្រឹកថ្ងៃទី១១ ខែមករា ឆ្នាំ២០២២ ឯកឧត្តម ស សុខា រដ្ឋលេខាធិការក្រសួងអប់រំយុវជន និងកីឡា និងជាប្រធានក្រុមប្រឹក្សាភិបាលសាកលវិទ្យាល័យជាតិមានជ័យ បានអញ្ជើញជាអធិបតីភាពក្នុងពិធីប្រកាសទទួលស្គាល់សមាសភាពគណៈកម្មការដឹកនាំកំណែទម្រង់នៃសាកលវិទ្យាល័យជាតិមានជ័យ គោលបំណង ដើម្បីពង្រឹងការងារដឹកនាំរបៀបរបបការងារការគ្រប់គ្រង ឲ្យសម្រេចបានជោគជ័យ តាមផែនការកំណែទម្រង់ដែលបានកំណត់ ដើម្បីរក្សាបាននូវកិត្យានុភាព ឧត្ដមភាពនិងការជឿទុកចិត្តជានិច្ចនិរន្តតទៅ។ ឯកឧត្តម ស សុខា បានផ្ដល់ជាសារបញ្ជាក់ថា សាកលវិទ្យាល័យជាតិមានជ័យ ជាគ្រឹះស្ថានឧត្តមសិក្សារដ្ឋ ស្ថិតក្នុងភូមិភាគពាយ័ព្យនៅប្រទេសកម្ពុជា ដែលធានានូវនិរន្តរភាពបណ្ដុះបណ្ដាលរបស់ខ្លួន ដើម្បីឆ្លើយតបទៅនឹងបរិបទខាងលើ សាកលវិទ្យាល័យជាតិមានជ័យបានធ្វើទំនើបកម្មកម្មវិធីសិក្សាសេវាកម្មសិក្សាសម្ភារៈសិក្សាហេដ្ឋារចនាសម្ព័ន្ធរូបវន្តមន្ទីរពិសោធន៍ កន្លែងអនុវត្តទ្រឹស្ដីការ ស្រាវជ្រាវ និងការពង្រឹងកិច្ចសហប្រតិបត្តិការសំដៅអភិវឌ្ឍធនធានមនុស្សឱ្យមានសុវត្ថិភាពគ្រប់គ្រាន់ឆ្លើយតបទៅនឹងតម្រូវការទីផ្សារការងារក្នុងប្រទេសនិងក្នុងតំបន់។ក្នុងនោះឯកឧត្តមក៏បានធ្វើការផ្ដាំផ្ញើក៏ដូចជាការណែនាំដល់ឯកឧត្តមអស់លោក លោកស្រី ដែលត្រូវបានប្រកាសទទួលស្គាល់ប្រធានអនុប្រធានសមាជិកសម្រាប់គ្រប់គ្រងសាកលវិទ្យាល័យជាតិមានជ័យនៅពេលនេះ បន្តពង្រឹងរបៀបរបបការងារបង្កើតវប្បធម៌សមភាពផ្ទៃក្នុងរឹងមាំ ពង្រឹងកិច្ចសហប្រតិបត្តិការល្អបង្កាត់ស្មារតីធ្វើការជាក្រុម គោរពពេលវេលា ឋានានុក្រមការងារ គោរពគោលការណ៍ បទបញ្ញត្តិនានាអនុវត្តតាមផែនការដែលបានកំណត់ និងតម្កល់ផលប្រយោជន៍ជនរួមជាធំ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ