លោកឧត្តមសេនីយ៍ត្រី ជុំ សេដ្ឋា មេបញ្ជាការរង នាយសេនាធិការ កងពលតូចថ្មើរជើងលេខ៥១ អញ្ជើញចុះត្រួតពិនិត្យការងារបង្កបង្កើនផល-ចិញ្ចឹមសត្វ
ខេត្តបន្ទាយមានជ័យ៖នៅថ្ងៃទី១៨ ខែកញ្ញា ឆ្នាំ២០២១ លោកឧត្តមសេនីយ៍ត្រី ជុំ សេដ្ឋា មេបញ្ជាការរងនាយសេនាធិការ កងពលតូចថ្មើរជើងលេខ៥១ បានអញ្ជើញចុះត្រួតពិនិត្យការងារបង្កបង្កើនផល-ចិញ្ចឹមសត្វ តាមអង្គភាពចំណុះនៅទីបញ្ជាការកងពល។
ក្នុងនោះដែរឧត្តមសេនីយ៍ មេបញ្ជាការរងនាយសេនាធិការ កងពលថ្មើរជើងលេខ៥១ ក៏បានកោតសសើរដល់អង្គភាពទាំងអស់ ដែលបានបានខិតខំប្រឹងប្រែងអស់កម្លាំងកាយចិត្តអនុវត្តតាមផែនការបង្កបង្កើនផល របស់ថ្នាក់លើទាំងដែលកម្លាំងមួយផ្នែកជាប់បំពេញភារកិច្ចនៅជួមុខ ចូលរួមទប់ស្កាត់ពលករឆ្លងដែនខុសច្បាប់នៅតាមខ្សែរបន្ទាត់ព្រំដែនខ្មែរ-ថៃ ហើយកម្លាំងនៅក្នុងអង្គភាពនៅតែបន្តការងារបង្កបង្កើនផល ដើម្បីធានាដល់កំរិតជីវភាពរស់នៅប្រចាំរបស់យោធិន គ្រួសារយោធិនក្នុងអង្គភាពបានយ៉ាងល្អប្រសើរ។
ទន្ទឹមនឹងនោះដែរលោកឧត្តមសេនីយ៍ មេបញ្ជាការរងនាយសេនាធិការ ក៏បានដាក់បទបញ្ជាដល់មេបញ្ជាការ តាមបណ្តាកងឯកភាពទាំងអស់ចំណុះ កងពល អោយបន្តពង្រឹងបន្ថែមទៀតចំពោះការងារបង្កបង្កើន-ចិញ្ចឹមសត្វទៅតាមដំណាក់កាលនិមួយៗ ទាំងដំណាំដើម ដំណាំគុម្ព និងដំណាំយុទ្ធសាស្ត្រយូរអង្វែងផ្សេងៗ ដែលជាតម្រូវការលក់ទីផ្សារ ក៏ដូចជាការធានាដល់ការបរិភោគប្រចាំថ្ងៃយោធិនគ្រួសារយោធិននៅក្នុងអង្គភាពបន្ថែមទៀត៕
