ខេត្តបន្ទាយមានជ័យ៖នៅព្រឹកថ្ងៃទី១៧ ខែកញ្ញា ឆ្នាំ២០២១នេះ ស្នងការនគរបាលខេត្តបន្ទាយមានជ័យ បានបញ្ជូនមន្ត្រីនគរបាលទាំង៩ស្រុក ក្រុង វរសេនាតូចការពារព្រំដែនគោកទាំង៤ ក្នុងមួយអង្គភាពចំនួន៣នាក់ និងការិយាល័យជំនាញចំណុះស្នងការដ្ឋានចំនួន២នាក់សរុប៤១នាក់ទៅរៀនពីវិធីយកសំណាក ដើម្បីងាយស្រួលក្នុងការយកសំណាកពិនិត្យរកកូវីដ.១៩ តាមរយៈការធ្វើតេស្តរហ័ស និងរបៀបនៃការស្លៀក ពាក់ ខោ អាវ ភី ភី អ៊ី តាមបណ្តាអង្គភាព អធិការដ្ឋាននគរបាល វរសេនាតូចនិងការិយាល័យចំណុះ។លោកឧត្តម សេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានប្រាប់អ្នកយកព័ត៌មានឲ្យដឹងថា លោកបានចាត់តាំងមន្ត្រីនគរបាលក្រោមឱវាទ ក្នុង១អង្គភាពចំនួន៣នាក់ និងមន្ត្រីនគរបាលការិយាល័យបុគ្គលិកចំនួន២នាក់ សរុចំនួន៤១នាក់ ទៅរៀនពីវិធីយកសំណាកពិនិត្យរកវីរុសកូវីដ-១៩ តាមរយៈការធ្វើតេស្តរហ័សនិងរបៀបនៃការស្លៀក ពាក់ ខោ អាវ ភី ភី អ៊ី ជាមួយមន្ត្រីសុខាភិបាល ស្រុក ក្រុង។លោកឧត្តម សេនីយ៍ទោ សិទ្ធិ ឡោះ បានបញ្ជាក់ឲ្យដឹងបន្តទៀតថា នគរបាលទាំង៤១នាក់នោះរៀនមានពីរបៀបគឺរបៀបនៃការស្លៀកពាក់ ខោ និង អាវភី ភី អ៊ី និងរបៀបនៃការត្បាល់ច្រមុះ បំពង់.ក គឺរៀននិងអនុវត្តជាក់ស្តែងផ្ទាល់ជាមួយមន្ត្រីសុខាភិបាល ស្រុក ក្រុង ដែលពួកគាត់ប្រចាំការនៅតាមមណ្ឌលធ្វើចត្តាឡីស័ក ហើយការរៀននេះមិនកំណត់ពីពេលវេលានោះឡើយ និយាយរួមគឺមួយចេះក្រោយពីទទួលបាននូវចំណេះដឹងគ្រប់គ្រាន់ប្រើប្រាស់បានហើយនោះ គឺយកចំណោះដឹងនោះមកអនុវត្តផ្ទាល់នៅតាមអង្គភាពរៀងៗខ្លួនតែម្តង៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ