ខេត្តតាកែវ៖នៅព្រឹកថ្ងៃទី១៧ ខែកញ្ញា ឆ្នាំ២០២១ ឯកឧត្តម អ៊ូច ភា អភិបាល នៃគណៈ​អភិបាល​ខេត្តតាកែវ រួមជាមួយ លោក ខាន់ សុខា អភិបាលរងខេត្ត លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និង​នេសាទខេត្ត លោកនាយករដ្ឋបាលសាលាខេត្ត រួមជាមួយអាជ្ញាធរពាក់ព័ន្ធ បាន​អញ្ជើញ​ចូលរួមដាំកូនឈើ​ទាល នៅសួ​នច្បារសម្ដេចវិបុលបញ្ញា សុខអាន ស្ថិតនៅភូមិឡូរី សង្កាត់រ​កា​ក្នុង ក្រុងដូនកែវ ខេត្តតាកែវ។

ក្នុងឱកាសដាំកូនឈើនេះដែរ ឯកឧត្តម អ៊ូច ភា អភិបាលខេត្ត បានអំពាវនាវឲ្យប្រជាព​លរដ្ឋក្នុង​ខេត្កតា​កែវ ចូលរួមថែរក្សាបរិស្ថាន និង​ដាំដើមឈើឱ្យបានគ្រប់ៗគ្នា ត្រូវចេះស្រឡាញ់ និងអភិ​រក្សធនធានធម្មជាតិ ព្រៃឈើ សម្រាប់មនុស្សជាតិគ្រប់ជំនាន់។បន្ថែមពីនេះ ឯកឧត្តមអភិបាលខេត្ត បានណែនាំ​ដល់ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោកនាយ​ខណ្ឌរ​ដ្ឋបា​លព្រៃ​ឈើតាកែវ ព្រមទាំងអាជ្ញាធរពាក់ព័ន្ធ ចូលរួមដាំកូនឈើឱ្យបានបន្ថែមទៀត ដើម្បីបង្កើ​តបរិស្ថានបៃតងក្នុងក្រុងដូនកែវ សម្រាប់ចូលរួមប្រឡងប្រណាំងទីក្រុងស្អាត។

ដោយឡែកបើតាមការបញ្ជាក់ពី លោក ស៊ឹម ឡាប៉័ង នាយខណ្ឌរដ្ឋបាលព្រៃតាកែវ បានឱ្យដឹងថា កន្លងមកមន្រ្តីជំ​នាញនាយខណ្ឌរដ្ឋបាលព្រៃឈើ បា​នសហការជាមួយអាជ្ញាធរមូលដ្ឋាន តែងតែ​ចុះដាំ​ដុះកូនឈើ ជាច្រើនប្រភេទនៅតាមដងផ្លូវ និងសួនច្បារមួយចំនួនក្នុងក្រុងដូនកែវ ដើម្បីជួ​យកែលម្អរ​សោភណ្ឌភាពទីក្រុងឱ្យក្លាយជាទីក្រុងមានពណ៌បៃតង ប៉ុន្តែដើមឈើ គឺមានសារៈប្រ​យោជន៍យ៉ាងច្រើនទៅលើផ្នែកបរិស្ថាន ជួយកាត់បន្ថយជាតិពុល ដែលកើតចេញពីយានយន្តនានា ដែលបាននិងកំពុងធ្វើចរាចរណ៍រាល់ថ្ងៃ ៕