ខេត្តបន្ទាយមានជ័យ៖ដោយសារមានភ្លៀងធ្លាប់ជាបន្តរបន្ទាប់ ដោយចាប់ពីថ្ងៃទី១៤.១៥.ខែកញ្ញា ឆ្នាំ២០២១ បានធ្វើឲ្យទឹកហូរចេញពីកសិណប្រាសាទបន្ទាយឆ្មា បង្កជាជំនន់ទឹកភ្លៀង ជាហេតុធ្វើឲ្យជន់លិច នៅទីធ្លារសាលា មណ្ឌលកា២២២២ តែនៅជើងភ្នំដងរ៉ែកទៅ ជាទឹកស្រកវិញ។លោកម៉ៅ ស៊ី ប្រធានសហកមន៍ទេសចរណ៍ ប្រាសាទបន្ទាយឆ្មារ បានឲ្យដឹងថា ក្រោយភ្លៀងជាបន្តបន្ទាប់ពីល្ងាចដល់យប់ ស្ថានភាពទឹកនៅកសិណប្រាសាទបន្ទាយឆ្មារ ពេញប្រៀបហើយហូរចេញកាត់ថ្នល់ នៅចំណុចខ្លះចំណែកអាងជើងគ្រុសឯណោះវិញ ដែលជារមណីយដ្ឋាន ទេសចរណ៍ពាក់កណ្តាលធម្មជាតិទទួលទឹកស្រុង ចុះពីខ្ពង់រាប និងជើងជួរភ្នំដងរែក ទោះបីជាទឹកហក់ឡើង ក៏ទឹកនៅមិនទាន់ហូរលើខ្នងប្រឡាយ និងផ្លូវនៅជិតនោះដែរ ។ ចំណែកលោក យង់ យឺន អភិបាលរងស្រុកថ្មពួកបានឲ្យដឹងថា ភ្លៀង១មេដូចបាក់មេឃបានបង្កឲ្យលិចទីធ្លាមណ្ឌលចត្តាឡីស័ក សាលាបឋមសិក្សាថ្មពួក និងលិច ចូលក្នុងអគារ២ខ្នង តែសំណាងល្អ ពលករចេញអស់។ លោកវរសេនីយ៍ ម៉ក់ សុង អតីតមេបញ្ជាការ ផ្នែកសឹករងស្រុកថ្មពួកបាននិយាយថា មជ្ឈមណ្ឌលអភិវឌ្ឍន៍ អតីតយុទ្ធជន ខេត្តបន្ទាយមានជ័យ ឬគេនិយម ហៅថា ដី២២២២ នារដូវវស្សានេះ បានរងគ្រោះដោយជំនន់ទឹកភ្លៀងលិច៤លើក មកហើយគឺលិច ចំណុចផ្លូវខ្លះ តែទីធ្លាផ្ទះសាលាប៉ុស្តិ៍ សុខភាព និងចម្ការ ច្បារដំណាំ គឺលិចទាំងអស់ ។ហេតុនេះ អតីតយុទ្ធជន ស្នើសុំថ្នាក់លើ និងអ្នកជំនាញ ជួយសិក្សា និងដោះស្រាយបញ្ហានេះផង។ លោក គឹង វណ្ណ : អភិបាលរងខេត្តបន្ទាយមាជ័យ និងជាប្រធានក្រុមការងារ ចុះជួយមូលដ្ឋាន ស្រុក ថ្មពួកឲ្យដឹងដែរថា លោកបានដឹកនាំក្រុមការងារ ចុះពិនិត្យស្ថានភាពជំនន់ទឹកភ្លៀងនៅចំណុចជើងភ្នំដងរ៉ែក ឃុំបន្ទាយឆ្មារ ចំណុចឣូរកំបុត ឃុំគោករមៀត និងចំណុចឣាងទឹកតាឆាយ ឃុំគំរូ ស្រុក ថ្មពួក ខេត្តបន្ទាយមានជ័យផងដែរ ពោលគឺបន្ទាប់ពីស្ថានភាពទឹកបានហក់ឡើងខ្លាំង នៅ៣ថ្ងៃមកនេះ។ លោកឲ្យដឹងថា ឥឡូវនេះទឹកបានស្រកចុះជាបណ្តើរៗ នៅប៉ែកខាងលើ ដោយសារពុំមានភ្លៀងថ្មីប៉ុន្តែទឹកបានស្រុងមកខាងក្រោម នៅឃុំថ្មពួក ស្រុកថ្មពួក។ក្នុងនោះស្ថានភាពទឹកកំពុងហូរជន់ហៀរ ខ្ជាក់ពីពោះស្ទឹងបណ្តាលឲ្យលិចផ្លូវ២កន្លែង និងហូរច្រោះដីគល់ស្ពានបាឡេចាស់មួយ នៅលើផ្លូវស្រែភ្ជាប់ ពីថ្មពួកទៅភ្នំព្រះ។លោកបានបញ្ជាក់ឲ្យដឹងបន្តទៀតថា ក្រុមការងារបានប្រើការ៉ុងច្រកដី ទប់កាយទប់ទឹកឣាចគ្រប់គ្រង ស្ថានការបាន ដោយមិនមានគ្រោះថ្នាក់មនុស្ស សត្វ ផលដំណាំ និង បង្កការខូចខាតធំដុំ នោះទេ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ