ថ្ងៃច័ន្ទ ទី២០ ខែកញ្ញា ឆ្នាំ២០៥០
គេហទំព័រ រស្មីកូនខ្មែរ
នាយ​ឧត្តមសេនីយ៍ វង្ស ពិ​សេន អនុញ្ញាតឱ្យអ​នុព័ន្ធ​យោធាថ្មីស​ហរដ្ឋអាមេ​រិក ប្រចាំកម្ពុជា ចូល​ជួបស​ម្តែងការគួ​រសម នៅអគ្គបញ្ជាការដ្ឋាន
Wed,15 September 2021 (Time 01:56 PM)
ដោយ ៖ រស្មីកូនខ្មែរ (ចំនួនអ្នកអាន: 13នាក់)

រាជធានីភ្នំពេញ៖នៅព្រឹកថ្ងៃទី១៥ ខែកញ្ញា​ ឆ្នាំ២០២១ នាយឧត្តម​សេនីយ៍ វង្ស ពិសេន អគ្គមេប​ញ្ជាការ នៃកង​យោធពលខេមរភូមិន្ទ បានអនុញ្ញា​តឱ្យលោកវរសេនីយ៍ឯក Thang Jacky Ly អនុព័ន្ធ​យោធាថ្មីរ​បស់សហរដ្ឋអាមេរិក ប្រចាំកម្ពុជា ចូល​ជួបសំដែងការគួរសម នៅអគ្គបញ្ជាការដ្ឋាន។

ក្នុងឱកាសនោះ លោ​កវរសេនីយ៍ឯក Thang Jacky Ly បានជម្រាប​ជូននាយឧត្តមសេនីយ៍ អគ្គមេ​បញ្ជាការ ពីគោល​បំណងនៃការមកបំពេញបេសកកម្មការទូតនៅកម្ពុជា ដោយទី១ ធ្វើការសិក្សា​ស្វែងយ​ល់ពីវប្បធម៌ និងទំនៀមទម្លាប់របស់ប្រទេសកម្ពុជា ទី២ ធ្វើការយ៉ាង​ជិតស្និត​ជាមួយថ្នាក់​ដឹកនាំនៃក​ងយោធពលខេមរភូមិន្ទ ដើម្បីជំរុញកិច្ចស​ហប្រតិបត្តិការរវាងកងទ័ពប្រទេសទាំងពីរ។

ក្នុងកិច្ចឆ្លើយតប នាយឧត្តមសេនីយ៍ វង្ស ពិសេន បាន​លើកឡើងពីទំនាក់ទំនងការទូតរវាងកម្ពុជា និងសហ​រដ្ឋអាមេរិក ដែលមានតាំងពីឆ្នាំ១៩៥០ ហើយមកដល់បច្ចុប្បន្ននេះ កម្ពុជានៅ​តែមានជំ​ហររក្សាកិច្ចស​ហប្រតិបត្តិការល្អជាមួយសហរដ្ឋអាមេរិក។

នាយឧត្តមសេនីយ៍ វង្ស ពិសេន ​បានថ្លែងអំណរគុណដល់សហរដ្ឋអាមេរិក ដែលថ្មីៗនេះ​បានជួយដ​ល់កម្ពុជាក្នុងកា​រប្រយុទ្ធប្រឆាំងជំងឺកូវីដ១៩ តាមរ​យៈការផ្ដល់វ៉ាក់សាំង​ចំនួន ១លាន ៦សែនដូស រួមទាំ​ងសម្ភារៈបរិក្ខាពេទ្យមួយចំនួនទៀត។ ក្រៅពីនោះ សហរ​ដ្ឋអាមេរិក​នៅបានផ្ដល់​ជំនួយមនុ​ស្សធ​ម៌ដល់កម្ពុជា ដូចជា ការជួយសង្គ្រោះ​គ្រោះមហន្តរាយផ្សេងៗ ការជួយកសាងហេ​ដ្ឋារចនា​សម្ព័ន្ធ និងការបណ្ដុះបណ្ដាលធនធានមនុស្សជាដើម។

នា​យឧត្តមសេនីយ៍ អគ្គមេបញ្ជាការ ក៏បានលើ​កឡើងពីកិច្ចសហប្រតិបត្តិការរវាងកម្ពុជា និងសហ​រដ្ឋអាមេរិក នាពេលកន្លងមក ក្នុងការស្រាវជ្រាវរុករ​កអដ្ឋិធា​តុកងទ័ពអា​មេរិកដែល​បាត់ខ្លួនក្នុង​សង្គ្រាម​នៅកម្ពុជា និងកិច្ចសហប្រតិបត្តិការបង្ក្រាបអំពើភេរវកម្ម ការជួញដូរមនុស្ស ក៏ដូចជា​ការហ្វឹកហ្វឺ​នឆ្មាំអង្គរ និងការកសា​ងកម្លាំងរបស់កងយោធពលខេមរភូមិន្ទ ដែលត្រូវទៅបំពេញបេស​កកម្មនៅអង្គការស​ហប្រជាជាតិ និងលំហរសមុទ្រផងដែរ។

នាយឧត្តម​សេនីយ៍ វង្ស ពិសេន បានមានជំនឿថា ទៅថ្ងៃអនាគត សហរដ្ឋអាមេរិកនៅតែ​បន្តទំ​នាក់ទំនង និងកិច្ចសហប្រតិបត្តិការល្អជាមួយកម្ពុជា ដោយ​ឈរលើ​គោលការណ៍​គោរពអធិបតេ​យ្យភាព ការគោរពគ្នា និងការជឿទុកចិត្តគ្នាទៅវិញទៅមក ហើយកម្ពុជា​នៅតែចាត់ទុក​សហរដ្ឋអាមេ​រិកជាមិត្តល្អរបស់កម្ពុជា៕

ព័ត៌មានគួរចាប់អារម្មណ៍

អាវុធហត្ថខេត្តបន្ទា​យមានជ័យ បញ្ជូនខ្លួន​ស្ត្រីជនជាតិថៃម្នាក់ ទៅតុលា​ការខេត្ត ពាក់ព័ន្ធករណី ឆ​បោក (រស្មីកូនខ្មែរ)

ព័ត៌មានគួរចាប់អារម្មណ៍

អាជ្ញាធរខេត្តបន្ទាយមានជ័យ ប្រកាសបើកយុទ្ធនា​ការចាក់វ៉ាក់​សាំងបង្ការជំងឺកូវីដ​១៩ ជូនដ​ល់​កុមា​រចាប់ពីអា​យុ៦ឆ្នាំ ដល់ក្រោម​១២ឆ្នាំ ​នៅក្នុងភូមិសា​ស្ត្រខេត្តបន្ទាយមានជ័យ (រស្មីកូនខ្មែរ)

ព័ត៌មានគួរចាប់អារម្មណ៍

បញ្ជូន​ខ្លួ​នមេខ្យល់​ នាំពលក​រ​ឆ្លង​ដែន​ខុស​ច្បាប់ទៅថៃ​ចំនួ០៣នាក់ ទៅតុលា​ការខេត្តបន្ទាយមានជ័​យ (រស្មីកូនខ្មែរ)

ព័ត៌មានគួរចាប់អារម្មណ៍

អគ្គីភ័យលេបត្របាក់ផ្ទះប្រជាពលរដ្ឋ១ខ្នង អស់ទាំងស្រុងនៅ​ស្រុកថ្មពួក សង្ស័យបណ្តាល​មកពី​ទុស្សេ​ខ្សែភ្លើង (រស្មីកូនខ្មែរ)

ព័ត៌មានគួរចាប់អារម្មណ៍

ឯកឧត្តមអភិបាលខេត្តតាកែវ អញ្ជើញប្រកា​សបើកយុទ្ធនាការចាក់វ៉ាក់សាំង​ការពារជំងឺកូវីដ១៩ ដល់​កុមារ ចាប់ពី​អាយុ ៦ឆ្នាំ ដល់អាក្រោម ១២ឆ្នាំ នៅភូមិសា​ស្រ្តខេត្តតាកែវ (រស្មីកូនខ្មែរ)

វីដែអូ