ខេត្តបន្ទាយមានជ័យ៖នៅព្រឹកថ្ងៃទី២៩ ខែវិច្ឆិកា ឆ្នាំ២០២១ ឯកឧត្តម អ៊ុំ រាត្រី ប្រធានគណៈបញ្ជាការឯកភាពរដ្ឋបាលខេត្តបន្ទាយមានជ័យ និងជាអភិបាលខេត្ត បានដឹកនាំកិច្ចប្រជុំអនុវត្តន៍វិធានការទប់ស្កាត់ និងបង្រ្កាបជាបន្ទាន់ចំពោះការកាប់ព្រៃលិចទឹក និងវាទទីយកដីបឹងទន្លេសាប ស្ថិតក្នុងភូមិសាស្រ្តខេត្តបន្ទាយមានជ័យ តាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។កិច្ចប្រជុំជាបន្ទាន់នេះបានធ្វើឡើងនៅសាលាខេត្តបន្ទាយមានជ័យ ដោយមានអញ្ជើញចូលរួមពី អភិបាលរងខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការសឹងរងខេត្ត មេបញ្ជាការកងពលតូចថ្មើរជើងលេខ៥១ អភិបាលស្រុកពាក់ព័ន្ធ មន្ទីរ អង្គភាពពាក់ព័ន្ធជុំវិញខេត្តផងដែរ។ក្រោយពីទទួលបានបទបញ្ជាការរបស់សម្តេចតេជោ ហ៊ុន សែន ប្រមុខរាជរដ្ឋាភិបាល ដើម្បីអនុវត្តន៍ឲ្យមានប្រសិទ្ធិភាព គឺរដ្ឋបាលខេត្ត បើកការប្រជុំដើម្បីប្រមូលព័ត៌មាន ឯកសារពាក់ព័ន្ធនានា ជាមុន ដើម្បីចុះទៅពិនិត្យទប់ស្កាត់ជាមួយក្រុមការងារចម្រុះថ្នាក់ជាតិនៅទីតាំងជាក់ស្តែង។ក្នុងនោះដែរស្នងការនគរបាលខេត្ត មេបញ្ជាគ្រប់អង្គភាពបានថ្លែងថា ចំពោះបេសកម្មនេះខាងកងកម្លាំងបានត្រៀមរួចជាស្រេចមានទាំងកម្លាំងសរុប មធ្យោបាយសរុបក្រុងប្រតិបត្តិការ សហការជាមួយអាជ្ញាធរខេត្ត និងមន្ទីពាក់ព័ន្ធ ដើម្បីអនុវត្តន៍ និងទប់ស្កាត់ការរុករានទន្ទ្រានដីផ្ទៃបឹងទន្លេសាបក្នុងដែនដីភូមិសាស្ត្រខេត្តបន្ទាយមានជ័យនេះ អោយបានល្អ និងឆ្លើយតបទៅនឹងការដាក់បទបញ្ជាយ៉ាងមឹងម៉ាត់របស់សម្តេចតេជោ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ