ខេត្តបន្ទាយមានជ័យ៖នៅរសៀលថ្ងៃទី២៥ ខែវិច្ឆិការ ឆ្នាំ២០២១ ប្រតិភូកម្ពុជា-ថៃ បើកកិច្ចប្រជុំពិភាក្សាពង្រឹងសម្ព័ន្ធមេត្រីភាពរវាងខេត្តបន្ទាយមានជ័យ បាត់ដំបង និងខេត្តស្រៈកែវ ប្រទេសថៃ នៅទីស្នាក់ការអន្តរជាតិក្លងលឹក ស្រុកអារ័ញ្ញ ខេត្តស្រៈកែវ ដោយភាគីកម្ពុជាដឹកនាំដោយឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងឯកឧត្តម សុខ លូ អភិបាលខេត្តបាត់ដំបង ឯភាគីថៃ ដឹកនាំដោយឯកឧត្តម ព្រីនយ៉ា ពោធិ៍សាត់ អភិបាលខេត្តស្រៈកែវ។កិច្ចប្រជុំពិភាក្សារវាងថ្នាក់ដឹកនាំខេត្តទាំងពីកម្ពុជា-ថៃ ជាប់ព្រំដែន ដើម្បីគ្រោងនឹងបើកច្រកអន្តរជាតិ និងច្រកតំបន់ក្នុងភូមិសាស្ត្រខេត្តបន្ទាយមានជ័យ និងខេត្តបាត់ដំបង ឈមខេត្តស្រះកែវ ប្រទេសថៃដើម្បីដោះស្រាយបញ្ហាសេដ្ឋកិច្ចឡើងវិញជាបណ្តោះអាសន្ន ក្រោយពីអត្រានៃការឆ្លងជំងឺកូវីដ១៩ មានការថយចុះនេះដែរ ភាគីកម្ពុជាបានស្នើរសុំឲ្យចេញចូលក្នុង១ថ្ងៃ ចំនួន៣.០០០នាក់ ចេញចូលចាប់ពីម៉ោង៦ព្រឹក ដល់ម៉ោង១០យប់ រីឯអ្នកអូសរទេះ១ថ្ងៃអនុញ្ញាតិចំនួន៣០០ជើងក្នុង១រទេះអនុញ្ញាតិ៦នាក់ តែត្រូវអនុវត្តតាមការណែនាំរបស់ក្រសួងសុខាភិបាលឲ្យបានខ្ជាប់ខ្ជួន។ដោយឡែកសម្រាប់ពលករដែលមានបរឺផាស រឺប័ណ្ណឆ្លងដែន អនុញ្ញាតរយៈពេល ៣ខែ ចំនួន៩០ថ្ងៃ ដែលធ្វើកសិកម្មតាមបន្ទាត់ព្រំដែន។ជាលទ្ធផលក្នុងកិច្ចប្រជុំពិភាក្សានេះអភិបាលខេត្តស្រះកែវ បានទទួលយកនូវសំណើររបស់អភិបាលខេត្តបន្ទាយមានជ័យ បាត់ដំបង ដែលជាខេត្តជាប់ជាយដែន ខេត្តស្រៈកែវ ប្រទេសថៃ ដើម្បីស្នើសុំសេចក្តីសម្រេចពីរាជរដ្ឋាភិបាលថៃ ក្រោយពីទទួលបាននឹងជម្រាបជូននាពេលក្រោយ ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ