ខេត្តបន្ទាយមានជ័យ៖ក្នុងពិធីយុទ្ធនាការអប់រំផ្សព្វផ្សាយ ច្បាប់ស្ដីពីចរាចរណ៍ផ្លូវគោក សម្រាប់ខេត្តបន្ទាយមានជ័យ នៅព្រឹក ថ្ងៃទី២៥ ខែវិច្ឆិការ ឆ្នាំ២០២១ លោកជំទាវ មឹន មាណវី រដ្ឋលេខាធិការក្រសួងសាធារណៈការ និងដឹកជញ្ជូន បានលើកឡើងថា គ្រោះថ្នាក់ចរាចរណ៍បាន និងកំពុងក្លាយជាបញ្ហាដ៏ធំចំពោះសុខភាព សាធារណៈ និងការអភិវឌ្ឍន៍សេដ្ឋកិច្ចជាតិ នឹងធ្វើឲ្យមនុស្សស្លាប់ និងរបួសជាច្រើននាក់ក្នុង១ឆ្នាំៗ។លោកជំទាវបន្តថា ស្ថានភាពនេះនៅតែជាក្ដីបារម្ភ និងជាកម្មវត្ថុដែលគ្រប់យន្តការពាក់ព័ន្ធទាំងអស់ ត្រូវសិក្សា ដកពិសោធន៍បន្ថែមទៀត ដើម្បីដាក់ចេញនូវវិធានការឲ្យកាន់តែមានប្រសិទ្ធភាព សំដៅពង្រឹងនូវសុវត្ថិភាពចរាចរណ៍ផ្លូវគោក ឱ្យបានសម្រេចតាមបំណងប្រាថ្នារបស់យើង។ក្នុងរយៈពេលបានសមស្របតាមទិសដៅ ដែលបានដាក់ចេញនឹងត្រូវខិតខំរិះរកវិធានការនានា ស្របតាមច្បាប់ ដើម្បីដោះស្រាយបញ្ហាប្រឈម និងចំណុចខ្វះខាតសេសសល់នានាឱ្យបានសម្រេច សំដៅលើកកម្ពស់សុវត្ថិភាពចរាចរណ៍ផ្លូវគោក ឲ្យកាន់តែល្អប្រសើរជាងពេលនេះបន្ថែមទៀត។លោក សុក ចាន់ថា ប្រធានមន្ទីរសាធារណៈការនិងដឹកជញ្ជូនខេត្តបានលើកឡើងថា យុទ្ធនាការផ្សព្វផ្សាយសុវត្ថិភាពចរាចរណ៍ផ្លូវគោក ដោយស្ថានភាពគ្រោះថ្នាក់ចរាចរណ៍ ស្ថិតក្នុងកាលៈទេសៈដែលប្រទេសជាតិកំពុងស្ថិតក្នុងបរិបទជំងឺកូវីដ១៩ក្ដី ក៏ក្រុមលេខាធិការដ្ឋាន នៃអនុគណៈកម្មការសុវ ត្ថិភាពចរាចរណ៍ផ្លូវគោកខេត្ត នៅតែបន្តអនុវត្តវិធានការអប់រំផ្សព្វផ្សាយ ច្បាប់ស្ដីពីចរាចរណ៍ផ្លូវគោក យ៉ាងសកម្ម ជាពិសេសគឺកំណាត់ផ្លូវជាតិលេខ៥ ដែលជាផ្លូវធំ មាន៤គន្លង ២គន្លង ទៅមកនិងផ្លូវជាតិលេខ៦ ដើម្បីពញ្ញាក់ស្មារតីកាត់ បន្ថយនូវគ្រោះថ្នាក់ចរាចរណ៍។ជាមួយគ្នានោះដែរឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍ថា គ្រោះថ្នាក់ចរាចរណ៍ដែលមានអ្នកស្លាប់របួស និងខូចខាតទ្រព្យសម្បត្តិ ផងនោះ គឺបណ្ដាលមកពីកត្តាមនុស្ស ការធ្វេសប្រហែស ការបំពានច្បាប់របស់អ្នកប្រើប្រាស់ផ្លូវ នៅតែមានកំណើនគួរឲ្យកត់សម្គាល់ ដោយការបើកបរលើសល្បឿនកំណត់ ការមិនគោរពសិទ្ធិអាទិភាព ការបត់ការជែង ការបើកបរ ក្រោមឥទ្ធិពល នៃគ្រឿងស្រវឹង ការដឹកលើសចំណុះ ការមិនពាក់មួកសុវត្ថិភាព និងមិនពាក់ខ្សែក្រវាត់ការពារជាដើម។ជាចុងបញ្ចប់នៃពិធីគណៈអធិបតីបានធ្វើការចែកមួកសុវត្ថិភាព ជូនដល់អ្នកចូល រួមដោយម្នាក់ៗ ទទួលបានមួកចំនួន១ផងដែរ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ