ខេត្តកែប៖នារសៀលថ្ងៃទី២៤ ខែវិច្ឆិកា ឆ្នាំ២០២១ នេះ ឯកឧត្តម សោម ពិសិដ្ឋ អភិបាលខេត្តកែប បានដឹកនាំកិច្ចប្រជុំ គណៈកម្មការរដ្ឋបាល និងពិនិត្យឆ្លងរបាយការណ៍ទិន្ន័យក្បាលដី ដែលបានវាស់វែងរួច នៅភូមិភូមិចំការចេក ឃុំពងទឹក ស្រុកដំណាក់ចង្អើរ ព្រមទាំងកំណត់ ទំហំផ្លូវ ចំណីទំនប់ ព្រែកអូរ និងប្រឡាយ។លោក សុទ្ធ ពុទ្ធិម៉ានីន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានបញ្ជាក់ថា ភូមិចំការចេក ជាភូមិមួយដែលមានភាពងាយស្រួល និងមានលក្ខណៈពិសេស ចំពោះការងារវាស់វែងក្បាលដី ក្រសួងរៀបចំដែនដី នគរូបនីយកម្មសំណង់ និងសុរិយោដី បានកំណត់ផែនការដល់បណ្ដាខេត្តនីមួយៗ ដោយមានតារាងដាក់ពិន្ទុ ក្នុងការវាស់វែងដីធ្លី ជូនប្រជាពលរដ្ឋក្នុងភូមិសាស្ត្ររបស់ខ្លួន លោកបន្តថាកន្លងមកខេត្តកែប បានបិទផ្សាយ និងចែកប័ណ្ណនៅភូមិមួយចំនួនរួចមកហើយ ដោយឡែកភូមិចំនួន៩កំពុងចែកប័ណ្ណកម្មសិទ្ធ និងភូមិចំនួន ៨កំពុងត្រៀមបិទផ្សាយតំបន់វិនិច្ឆ័យក្បាលដី ចំពោះភូមិចំការបី មិនទាន់បានវ៉ាស់វែងនៅឡើយទេ។ឯកឧត្តម សោម ពិសិដ្ឋ អភិបាលខេត្តកែប មានប្រសាសន៍ រំលឹកថា ភូមិចំការចេក ជាភូមិមួយស្ថិតក្នុងភូមិទាំង៧នៃឃុំពងទឹក ហើយត្រូវបានបង្កើតឡើងនៅឆ្នាំ២០១០ មានផ្ទៃដី ៨១៥ហិចតា ដែលមានប្រជាជនរស់នៅទីនោះស្ថិតក្នុងតួលេខជាង ៣០០គ្រួសារ ឯកឧត្តមបញ្ជាក់ថា ការធ្វើប្លង់ និងចេញប័ណ្ណកម្មសិទ្ធជូនប្រជាពលរដ្ឋក្នុងភូមិចំការចេក ក៏ដូចជាភូមិដទៃទៀតដែរ គឺមានសារៈសំខាន់ណាស់សម្រាប់ទ្រទ្រង់គ្រួសារនីមួយៗ ជាពិសេសការកាន់កាប់ដីធ្លីស្របច្បាប់ និងកាត់បន្ថយនៅទំនាស់ដីធ្លី ព្រោះប័ណ្ណនេះ មានការការពារដោយរដ្ឋ និងធានាដោយច្បាប់ ហេតុដូច្នេះសូមអោយមន្ត្រីជំនាញនៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ក្នុងពេលចុះពិនិត្យ និងវាស់វែងក្បាលដី ត្រូវគោរពតាមការណែនាំរបស់ក្រសួងសាមី និងរាជរដ្ឋាភិបាល និងអនុវត្តន៍ការងារតាមវិជ្ជាជីវៈរបស់ខ្លួនអោយបានល្អប្រសើរ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ