ខេត្តបន្ទាយមានជ័យ៖ឧបទ្ទវហេតុគ្រោះថ្នាក់ចរាចរណ៍ បង្កឡើងដោយរថយន្តមួយគ្រឿងបើកមិនប្រកាន់ស្តាំ និងល្បឿនលឿនទៅបុកបុគ្គលិកក្រុមហ៊ុនទូរស័ព្ទមិត្តហ្វូនម្នាក់ បណ្តាលឲ្យស្លាប់ភ្លាមៗនៅនឹងកន្លែង។ហេតុការដ៏រន្ធត់នេះបានកើតឡើងកាលពីវេលាម៉ោង១១ និង៣០នាទីយប់ ថ្ងៃទី២៣ ខែវិច្ឆិកា ឆ្នាំ២០២១ នៅលើកំណាត់ផ្លូវជាតិលេខ៥៦ ត្រង់ ចំណុចខាងជើងសាលាបឋមសិក្សាសូភីប្រហែល៧០ម៉ែត្រ ស្ថិតក្នុងភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។នគរបាលបានឲ្យដឹងថា មុនពេលគ្រោះថ្នាក់នោះមានម៉ូតូហុងដាC125 ខ្មៅ ពាក់ផ្លាកលេខ បន្ទាយមានជ័យ1M -6122 អ្នកបើកមាន ឈ្មោះឃិន សុទី ភេទប្រុស អាយុ២៧ឆ្នាំ ជាបុគ្គលិកទូរស័ព្ទមិត្តហ្វូន រស់នៅភូមិរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ បើកក្នុងទិសដៅពីជើងទៅត្បូង លុះដល់កន្លែងកើតហេតុ ក៏ស្រាប់តែរថយន្តមិនប្រកាន់ស្តាំនិងល្បឿនលឿនបើកមកបុកពេញហឹង បណ្តាលឲ្យស្លាប់ភ្លាមៗ ព្រោះកម្រឹតបុកខ្លាំងនិងបាក់ឆ្អឹង ឯរថយន្តបង្កក្រោយបុកហើយបានបើករត់គេចបាត់។នគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ត បញ្ជាក់ថា ករណីគ្រោះថ្នាក់នេះយោងសមត្ថកិច្ចនគរបាលចរចារណ៍ ដែលពិនិត្យ និងសន្និដ្ឋាននៅកន្លែងកើតហេតុបានបញ្ជាក់ថា មូលហេតុនៃគ្រោះថ្នាក់គឺមកពីរថយន្តមិនប្រកាន់ស្តាំនិងល្បឿនលឿន។សពក្រោយពីកើតហេតុ សមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ឯរថយន្តបង្កសមត្ថកិច្ចកំពុងធ្វើការស្រាជ្រាវ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ