ខេត្តបន្ទាយមានជ័យ៖ក្រោយពីប្រមុខរាជរដ្ឋាភិបាលកម្ពុជា ប្រកាសឲ្យយានយន្តដែលជ្រកក្រោមស្លាកលេខក្រសួងស្ថាប័នរដ្ឋ និងស្លាកលេខផ្សេងៗ ពិសេសរថយន្តចង្កូតស្ដាំ ចូលខ្លួនបំពេញកាតព្វកិច្ចពន្ធ និងអាករនាំចូល និងនីតិវិធីប្តូរចង្កូតពីស្ដាំមកឆ្វេង ដើម្បីយកទៅអនុវត្តន៍ធ្វើការចុះបញ្ជីសម្គាល់យានយន្តឱ្យបានត្រឹមត្រូវស្របច្បាប់ ដែលបានកំណត់នោះ សម្រាប់ខេត្តបន្ទាយមានជ័យឃើញថា មានក្រុមហ៊ុនចំនួនពីរកំពុងសុំច្បាប់បើកសាខាធ្វើអាជីវកម្ម១/ ក្រុមហ៊ុនអេស.ធី.ភី អ៊ិនធើណេស្យូណល(ខេមបូឌា) ផាប្លិក កំពុងលើកស្លាកនៅចំណុចផ្លូវជាតិលេខ៥ ស្ថិតនៅក្នុងភូមិក្បាលស្ពាន ឃុំព្រះពន្លា ក្រុងសិរីសោភ័ណ ទល់មុខស្នងការដ្ឋាននគរបាលខេត្ត និង២/ ក្រុមហ៊ុន សុវណ្ណយន្ត លើកស្លាកនៅផ្លូវជាតិលេខ៥ ជាប់របងខាងលិចមន្ទីរសាធារណការ និងដឹកជញ្ជូនខេត្ត ស្ថិតនៅក្នុងភូមិគាប សង្កាត់ទឹកថ្លា ក្រុងសិរីសោភ័ណ។លោក សុក ចាន់ថា ប្រធានមន្ទីរសាធារណៈការ និងដឹកជញ្ជូនខេត្តបន្ទាយមានជ័យ បានឲ្យដឹងថា ក្រុមហ៊ុនធំទាំងពីរខាងលើគឺមានអាជ្ញាប័ណ្ណទទួលស្គាល់ពីក្រសួង ត្រឹមត្រូវសម្រាប់ទីតាំងនៅរាជធានីភ្នំពេញ ប៉ុន្តែសម្រាប់តាមខេត្ត ត្រូវសុំច្បាប់បើកសាខាបន្ថែមទៀត។ចំពោះបញ្ហារៀបចំទីតាំងរបស់ក្រុមហ៊ុនមិនមានជាបញ្ហាចោទនោះទេ ប៉ុន្តែមន្ទីរមិនទាន់អនុញ្ញាតឲ្យធ្វើសកម្មភាពបើកអាជីវកម្មរបស់ខ្លួននោះឡើយ ដោយរងចាំសុំច្បាប់អនុញ្ញាតឲ្យបានត្រឹមត្រូវជាមុនសិន។លោកបញ្ជាក់ថា ការរៀបចំទីតាំងរបស់ក្រុមហ៊ុន មន្ទីរបានដឹងលឺ តែការអនុញ្ញាតឲ្យបើធ្វើអាជីវកម្មនូវមិនទាន់នៅឡើយ ប៉ុន្តែពេលនេះក្រុមហ៊ុនទាំងពីរកំពុងធ្វើនីតិវិធីសុំបើកអាជីវកម្មសាខានៅខេត្តបន្ទាយមានជ័យ ដោយធ្វើការរៀបចំទីតាំងជាមុនសិន នៅពេលសុំបានច្បាប់ហើយនោះ ទើបបានអនុញ្ញាតឲ្យបើកដំណើរការជាផ្លូវការណ៍តែម្ដង៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ