ថ្ងៃសុក្រ ទី០៣ ខែធ្នូ ឆ្នាំ២០៥០
គេហទំព័រ រស្មីកូនខ្មែរ
ផ្ទះប្រជាពលរដ្ឋចំនួន២ល្វែង នៅក្រុងប៉ោយប៉ែត ត្រូវអគ្គីភ័យលេបត្របាក់អស់ទាំងស្រុង
Thu,28 October 2021 (Time 10:59 AM)
ដោយ ៖ រស្មីកូនខ្មែរ (ចំនួនអ្នកអាន: 17នាក់)

ខេត្តបន្ទាយមានជ័យ:ផ្ទះប្រជាពលរដ្ឋចំនួន២ល្វែងធ្វើអំពីឥដ្ឋក្រោមប្រក់ស័ង្កសី រងការឆាប់ឆេះអស់ទាំងស្រុង មិនដឹងពីមូលហេតុ សំណាងល្អមិនបណ្ដាលឲ្យមានមនុស្សគ្រោះថ្នាក់។

ហេតុការណ៍នេះបានកើតឡើងនៅវេលាម៉ោងប្រមាណ១០យប់ ថ្ងៃទី២៧ ខែតុលា ឆ្នាំ២០២១ នៅចំណុចខាងក្រោយសាលាសុវណ្ណភូមិ ក្បែរអង់តែន០១៦ ស្ថិតនៅភូមិក្បាលស្ពាន១ សង្កាត់/ក្រុងប៉ោយប៉ែតខេត្តបន្ទាយមានជ័យ។

បើតាមប្រភពព័ត៌មានពីម្ចាស់ផ្ទះរងគ្រោះ ដែលនៅជាប់ផ្ទះដែលឆេះដំបូងគេបានឲ្យដឹងថា ខណ:ដែលក្រុមគ្រួសាររបស់ខ្លួនរៀបនឹងចូលសម្រាក ក៏ស្រាប់តែឮសំឡេងពីខាងក្រៅស្មានតែមានមនុស្សឈ្លោះប្រកែកគ្នា ក៏ស្រាប់តែចេញមកខាងក្រៅក៏ឃើញអណ្ដាតភ្លើងឆេះសន្ធោសន្ធៅតែម្តង ក៏នាំគ្នារត់ចេញមកខាងក្រៅសឹងពុំទាន់។

ក្រោយពីកើតហេតុភ្លាមអាជ្ញាធរក្រុងប៉ោយប៉ែតមានកម្លាំងអធិការដ្ឋាននគរបាលក្រុងប៉ោយប៉ែត កម្លាំងមូលដ្ឋានកងរាជអាវុធហត្ថក្រុង និងអាជ្ញាធរមូលដ្ឋាន បានចុះទៅដល់គោលដៅយ៉ាងសស្រាក់សស្រាំ និងនាំយករថយន្តពន្លត់អគ្គីភ័យ ធ្វើការបាញ់ពន្លត់រហូតដល់វេលាម៉ោង១១និង២៣នាទី ទើបអគ្គីភ័យបានរលត់ជាស្ថាពរ មិនបណ្ដាលឱ្យឆេះរាលដាលដល់ផ្ទះអ្នកជិតខាងឡើយ។

ប្រភពព័ត៌មានពីប្រជាពលរដ្ឋបានឲ្យដឹងថា ករណីអគ្គីភ័យឆាបឆេះផ្ទះប្រជាពលរដ្ឋនេះ អាចបណ្ដាលមកពីទុស្សេខ្សែភ្លើងច្រើនជាង ដោយសារតែនៅសុខៗក៏ស្រាប់តែមានសំឡេងចេញហើយក៏អណ្ដាតភ្លើងឆាបឆេះយ៉ាងសន្ធោសន្ធៅតែម្ដង។

បើតាមសមត្ថកិច្ចបានឲ្យដឹងថា ក្នុងកិច្ចប្រតិបត្តិការនេះកម្លាំងសមត្ថកិច្ចបានប្រើប្រាស់រថយន្តពន្លត់អគ្គីភ័យអស់ចំនួន៣គ្រឿង ដោយរថយន្តរបស់អធិការដ្ឋាននគរបាលក្រុងប៉ោយប៉ែតចំនួនពីរគ្រឿង និងរថយន្តកាស៊ីណូ ត្រូពីកាណា ចំនួន១គ្រឿង។ឯទំហំនៃការខូចខាតនូវមិនទាន់ដឹងនៅឡើយ តែទ្រព្យសម្បត្តិនៅក្នុងផ្ទះចំនួនពីរល្វែងខាងលើ រងការឆាបឆេះនិងខូចខាតអស់ទាំងស្រុង៕

ព័ត៌មានគួរចាប់អារម្មណ៍

អាជ្ញាធរខេត្តបាត់ដំបង ខេត្តប៉ៃលិន(កម្ពុជា) និងខេត្តច័ន្ទបុរី (ថៃ) បើកកិច្ចប្រជុំពិភាក្សាការងារ ដើម្បីពង្រឹងសម្ព័ន្ធមេត្រីភាព (រស្មីកូនខ្មែរ)

ព័ត៌មានគួរចាប់អារម្មណ៍

អភិបាលខេត្តបាត់ដំបង អញ្ជើញជួបសំណេះសំណាល ជាមួយ ថ្នាក់ដឹកនាំ និងមន្រ្តីប្រតិបត្តិសាខាកាកបាទក្រហមកម្ពុជា ខេត្តបាត់ដំបង (រស្មីកូនខ្មែរ)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អញ្ជើញសម្ពោធផ្លូវ និងប្រព័ន្ធប្រព្រឹត្តកម្មទឹកកខ្វក់ និងសមិទ្ធផលនានាក្នុងក្រុងព្រះសីហុ (រស្មីកូនខ្មែរ)

ព័ត៌មានគួរចាប់អារម្មណ៍

ពិធីសំណេះសំណា​លសួរសុខទុក្ខ និងផ្ដល់គ្រាប់ពូជ​ស្រូវ ដល់ កសិករ​ ដែលខូចខា​តដំណាំ​ស្រូវ ​ដោយ​គ្រោះទឹកជំ​នន់ (រស្មីកូនខ្មែរ)

ព័ត៌មានគួរចាប់អារម្មណ៍

កិច្ចប្រជុំស្តីពីការពិនិត្យពិភាក្សា និងផ្តល់​យោបល់​លើសេចក្តីព្រាង​ របាយការណ៍​សមិទ្ធផ​លរយៈ​ពេល​ប្រាំឆ្នាំ(២០១៧-២០២១) (រស្មីកូនខ្មែរ)

វីដែអូ