ខេត្តបន្ទាយមានជ័យ៖សត្វគោជាច្រើនក្បាលនៅតែលែង ឲ្យដើរយ៉ាងអនាធិបតេយ្យ នៅទីប្រជុំជន ក្នុងភូមិសាស្ត្រ ក្រុងប៉ោយប៉ែត ខេត្តបន្ទាយមានជ័យ ពិសេសដើរប្រសេកប្រសាចនៅលើទ្រូងផ្លូវ សាធារណៈ ធ្វើឱ្យប៉ះពាល់ដល់សណ្តាប់ធ្នាប់ របៀបរៀបរយ សោភ័ណភាព និងសុវត្ថិភាពចរាចរ រប ស់បងប្អូនប្រជាពលរដ្ឋដែលកំពុងធ្វើដំណើរ។ ពាក់ពន្ធ័ទៅនឹងការលែងសត្វគោ ឲ្យដើរប្រសេកប្រសាច ដោយម្ចាស់មិនអើពើខាងលើនេះដែរ រយះការកន្លងមកនេះ មានប្រជាពលរដ្ឋមួយចំនួនមានការរិះគន់ទៅលើម្ចាស់សត្វគោថា ខ្វះភាពទទួលខុសត្រូវ លែងចោលបានធ្វើឲ្យប៉ះពាល់ដល់សម្បត្តិសាធារណៈ និងអ្នកដ៏ទៃ ដោយដើរស៊ីដំណាំរបស់ប្រជាពលរដ្ឋ បង្កផលលំបាកដល់អ្នកធ្វើដំណើរ ដូចជា ស្ទះចរាចរណ៍ ជុះលាមកប្រឡាក់ លើផ្លូវ បង្កការគ្រោះថ្នាក់ ដល់អ្នកធ្វើដំណើរជាដើម។ក្នុងនោះប្រជាពលរដ្ឋក៏បានស្នើឲ្យសមត្ថកិច្ចចាត់វិធាការផាកពិន័យ ឲ្យបានធ្ងន់ធ្ងរចំពោះអ្នកចិញ្ជឹម លែងសត្វគោចោលយ៉ាងអនាធិបតេយ្យផងដែរ។ ក្រោយមកអាជ្ញាធរមូលដ្ឋាន ក៏បានចាប់សត្វគោទាំងនោះ បានជាបន្តបន្ទាប់ រួចបានធ្វើការស្រាវជ្រាវស្វែងរកម្ចាស់ ដើម្បីធ្វើការណែនាំអប់រំជារើយៗផងដែរ រហូតលោក គាត ហ៊ុល អភិបាលក្រុង កោះ ហៅម្ចាស់ចិញ្ជិមសត្វគោទាំងនោះធ្វើកិច្ចសន្យា ឲ្យបញ្ឈប់ការលែងបែនេះបន្តទៀត បើនៅតែមាននឹងចាត់វិធានការតាមច្បាប់ទៀតផង តែរហូតមកដល់ពេលនេះ ហាក់បីដូចជា មិនទាន់មានប្រសិទ្ធភាពនៅឡើយ។ ជុំវិញបញ្ហានេះដែរ លោក គាត ហ៊ុល អភិបាលក្រុងបានឲ្យដឹងថា ចំពោះបញ្ហាខាងលើនេះលោក នៅតែបន្តអនុវត្ត មិនរុញរាឡើយ ដោយឲ្យកម្លាំងធ្វើការស្ទាក់ចាប់យកទៅដាក់កន្លែងមួយដែលបានរៀបចំរួចជាស្រេច ហើយប៉ុន្មានថ្ងៃនេះដូចជាស្ងាត់ ទើបតែថ្ងៃនេះក្រុម ការងារបានរាយការថា បន្តមានទៀត៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ