ខេត្តបន្ទាយមានជ័យ៖កម្លាំងនគរបាលការិយាល័យជំនាញ និងកម្លាំងនគរបាលក្រុងប៉ោយប៉ែត សហការជាមួយកម្លាំងមន្ទីរប្រឆាំងគ្រឿងញៀន បានចាប់ឃាត់ខ្លួនជនសង្ស័យប្រុសស្រី៣នាក់ ពាក់ព័ន្ធករណីជួញដូរនិងរក្សារទុកគ្រឿងញៀន ដោយខុសច្បាប់ជាង២៥គីឡូក្រាម។ បើតាមសមត្ថកិច្ចបានឲ្យដឹងថា ជនសង្ស័យទី១ មានឈ្មោះ SUCHAT WANSUWONG ភេទប្រុស ជាជនជាតិថៃ លិខិតឆ្លងដែនគ្មាន ត្រូវបានបង្ក្រាបនៅថ្ងៃទី២២ ខែតុលា ឆ្នាំ២០២១ នៅចំណុចក្រោមដើមស្វាយ លើផ្លូវជាតិលេខ៥៩ ស្ថិតក្នុងភូមិរស្មីសាមគ្គី សង្កាត់និមិត្ត ក្រុងប៉ោយប៉ែត។ក្រោយពីឃាត់ខ្លួនកម្លាំងបានដកហូតបានវត្ថុតាងថ្នាំញៀនប្រភេទមេតំហ្វេតាមីន ចំនួន២៥ដុំ ស្មើទម្ងន់ ២៤,៨៨៨គីឡូក្រាម។លោកវរសេនីយ៍ឯក ធិន ស៊ិនដេត ស្នងការរងទទួលផែនការងារប្រឆាំងគ្រឿងញៀនបានបញ្ជាក់ថា៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងដោយមានការសម្របសម្រួលពីព្រះរាជអាជ្ញាអមសាលាដំបូងខេត្តបន្ទាយមានជ័យ និងខេត្តសៀមរាប លោកបានដឹកនាំកម្លាំងនគរបាលការិយាល័យជំនាញ និងកម្លាំងនគរបាលក្រុងប៉ោយប៉ែត សហការជាមួយកម្លាំងមន្ទីរប្រឆាំងគ្រឿងញៀន(ក1) សហការជាមួយកម្លាំងជំនាញនៃស្នងការដ្ឋានខេត្តសៀមរាប បានចុះស្រាវជ្រាវទៅដល់ផ្ទះជនសង្ស័យ២នាក់ប្តីប្រពន្ធផ្សេងទៀត ដែលប្តីឈ្មោះ លាង ម៉ាប់ ហៅទូច ភេទប្រុស អាយុ៤៥ឆ្នាំ ជនជាតិខ្មែរ និងប្រពន្ធឈ្មោះ ឡុង សុឡេង ភេទស្រី អាយុ៣៥ឆ្នាំ ជនជាតិខ្មែរ។ក្នុងប្រតិបត្តិការនេះបានធ្វើឡើងនៅថ្ងៃទី២៣ ខែតុលា ឆ្នាំ២០២១ ស្ថិតក្នុងឃុំសណ្តែក ស្រុកប្រាសាទបាគង់ ខេត្តសៀមរាប និងបន្តមកឆែកឆេរនៅផ្ទះមួយកន្លែងរបស់ជនសង្ស័យប្តីប្រពន្ធទាំងពីរនាក់បន្តនៅក្រុងប៉ោយប៉ែត កម្លាំងជំនាញដកហូតបានវត្ថុតាងជាច្រើនសន្ធឹកសន្ធាប់ មានគ្រឿងញៀនគ្រប់ប្រភេទ។បច្ចុប្បន្នគ្រឿងញៀននិងសម្ភារៈ ជនសង្ស័យប្រុសស្រី ជនជាតិខ្មែរ ថៃទាំង៣នាក់ខាងលើ ត្រូវបានកម្លាំងជំនាញនៃស្នងការដ្ឋានខេត្តបន្ទាយមានជ័យកសាងសំណុំរឿបញ្ជូនទៅសាលាដំបូងខេត្តបន្ទាយមានជ័យ នៅរសៀលថ្ងៃទី២៦ ខែតុលា ឆ្នាំ២០២១នេះ ដើម្បីចាត់ការបន្តតាមនិតិវិធីច្បាប់៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ