ខេត្តកំពត៖នៅរសៀលថ្ងៃទី១៣ ខែតុលា ឆ្នាំ២០២១ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសចូលកាន់មុខតំណែងអភិបាលនៃគណៈអភិបាលខេត្តកំពត ដោយឯកឧត្តម ម៉ៅ ធនិន ត្រូវបានតែងតាំងជាអភិបាលខេត្តកំពត ជំនួនឯកឧត្តម ជាវ តាយ ដែលត្រូវបានផ្ទេរតែងតាំងជាអភិបាលខេត្តពោធិសាត់។ពិធីនេះបានធ្វើឡើងនៅបរិវេណសាលាខេត្តកំពត ដោយមានការអញ្ជើញចូលរួមពីឯកឧត្តម លោកជំទាវ សមាជិករាជរដ្ឋាភិបាល លោក លោកស្រីរដ្ឋលិខាធិការ អនុរដ្ឋលិខាធិការ អគ្គនាយក អគ្គនាយករង លោក លោកស្រីសមាជិកក្រុមប្រឹក្សាខេត្តកងកម្លាំងប្រដាប់អាវុធ និងមន្ត្រីនៃមន្ទីរអង្គភាពជុំវិញខេត្តផងដែរ។មានប្រសាសន៍ក្នុងពិធីនេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា ក្នុងនាមរាជរដ្ឋាភិបាល និងថ្នាក់ដឹកនាំក្រសួងមហាផ្ទៃ សូមសម្ដែងនូវការកោតសរសើរ និងវាយតម្លៃខ្ពស់ ចំពោះឯកឧត្តម ជាវ តាយ ដែលបានខិតខំសម្របសម្រួលដឹកនាំការងាររដ្ឋបាល និងការអភិវឌ្ឍខេត្តកំពតឱ្យមានការរីកចម្រើន និងសម្រេចបានសមិទ្ធផលនានាជាច្រើន ក្នុងពេលដែលឯកឧត្តមកាន់មុខតំណែងជាអភិបាលខេត្តកំពតក្នុងរយៈពេលប្រមាណជិត ០៤ឆ្នាំកន្លងទៅនេះ។ ជាមួយគ្នានេះដែរ សម្តេចក៏មានជំនឿជឿជាក់យ៉ាងមុតមាំថា ឯកឧត្តម ម៉ៅ ធនិន អភិបាលខេត្តថ្មីនឹងប្រើប្រាស់សមត្ថភាព និងបទពិសោធន៍របស់ខ្លួនបន្តដឹកនាំ សម្របសម្រួល គ្រប់គ្រងរដ្ឋបាល និងការអភិវឌ្ឍខេត្តកំពតឱ្យកាន់តែមានការអភិវឌ្ឍរីកចម្រើនបន្ថែមទៀត។ក្នុងស្មារតីនេះ សូមស្នើដល់ក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត ថ្នាក់ដឹកនាំក្រុង ស្រុក និងឃុំ សង្កាត់ មន្ត្រីរាជការ កងកម្លាំងប្រដាប់អាវុធ ព្រមទាំងប្រជាពលរដ្ឋទូទាំងខេត្តកំពត ផ្តល់ការគាំទ្រដល់ ឯកឧត្តម ម៉ៅ ធនិន ដើម្បីឯកឧត្តមមានលទ្ធភាពច្រើនថែមទៀតក្នុងការបន្តថែរក្សា ពង្រឹងសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សាធារណៈ និងការអភិវឌ្ឍខេត្តកំពតឱ្យកាន់តែមានការរីកចម្រើនលើគ្រប់វិស័យជាបន្តទៀត៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ