ខេត្តបន្ទាយមានជ័យ៖មន្ត្រីជំនាញសាខា ក.ប.ប ខេត្តបន្ទាយមានជ័យ សហការជាមួយមន្ទីរពាណិជ្ជកម្មខេត្ត នៅព្រឹកថ្ងៃទី១២ ខែតុលា ឆ្នាំ២០២១ បានយកទំនិញខូចគុណភាពជាច្រើនប្រភេទសរុបទម្ងន់ជិត៣តោន ធ្វើការដុតកំទេចចោល នៅចំណុចក្បែរមន្ទីរពិសោធខា្នតតូច របស់មន្ត្រីជំនាញក.ប.ប ស្ថិតនៅក្នុងភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ ក្រោយពីដកហូតពីក្រុមឈ្មួញដែលនាំចូលពីក្រៅប្រទេសតាមច្រករបៀង ក្រុមអាជីវករ និងប្រជាពលរដ្ឋយកទៅដាក់តាំងលក់នៅតាមតូបក្នុងផ្សារ ម៉ាត និងតាមផ្ទះ ទូទាំងខេត្តបន្ទាយមានជ័យ កាលពីពេលថ្មីៗកន្លងទៅនេះ។លោក សាន វិជ្ជាសារ៉ាវុធ ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តបន្ទាយមានជ័យ បានឲ្យដឹងថា ការដុតបំផាញនេះគឺអនុវត្តត្រឹមត្រូវតាមនិតិវិធីរបស់តុលាការ ដោយព្រះរាជអាជ្ញាអមសាលាដំបូងខេត្ត បានចេញសេចក្តីសម្រេចឲ្យធ្វើការដុតបំផ្លាញចោល។លោកបញ្ជាក់ថា ទំនិញខូចគុណភាព និងហួសកាលបរិច្ឆេទដែលយកទៅដុតកម្ទេចចោលនាពេលនេះ គឺបានមកពីកិច្ចសហការរវាងមន្ទីរពាណិជ្ជកម្មខេត្ត និងមន្ត្រីជំនាញ ក.ប.ប ក្នុងការចុះត្រួតពិនិត្យរកផលិតផលខួចគុណភាព ព្រមទាំងដកហូតពីអាជីវករដែលដាក់តាំងលក់នៅតាមតូប ក្នុងផ្សារ និងឈ្មួញដែលនាំចូលពីក្រៅប្រទេសតាមច្រករបៀង បានជាបន្តបន្ទាប់ធ្វើយ៉ាងណាដើម្បីថែរក្សា និងការពារសុខុមាលភាពជូនប្រជាពលរដ្ឋ ពីព្រោះរាល់ថ្ងៃនេះបញ្ហាសុខភាពរបស់ប្រជាពលរដ្ឋអាចប្រឈមនឹងហានិភ័យខ្ពស់ ដោយសារតែការទទួលទានមុខទំនិញ និងផលិតផលម្ហូបអាហារខូចគុណភាព។ផលិតផលខូចគុណភាព និង ហួសកាលបរិច្ឆេទប្រើប្រាស់ ដែលត្រូវបានជំនាញធ្វើការឃាត់ ចាប់ និងដកហូតនៅតាមទីផ្សារ និងសកម្មភាពដឹកជញ្ជួនខុសច្បាប់តាមច្រករបៀងចេញពីប្រទេសថៃ រួមមាន៖- នំធុងមានចំនួន ៦៨ធុង ស្មើ២៧២គីឡូ ក្រាម - ទឹកដោះគោ Dutch Mill មានចំនួន២០៧០ដប ស្មើ ១,៧១៨.១០គីឡូ ក្រាម - ទឹកដោះគោស្រស់ Meji មាន ចំនួន ៣០០ដប ស្មើ៦០០លីត្រ - យ៉ាអ៊ួរ Dutch Nata De Coco មាន ចំនួន ២១យួរ ស្មើ ៦៥.៥២គីឡូ ក្រាម សរុបមានចំនួន២,៦៥៥.៦២គីឡូ ក្រាម ផងដែរ។ជាមួយគ្នានោះដែរលោក សាន វិជ្ជាសារ៉ាវុធ បានអំពាវនាវដល់បងប្អូនប្រជាពលរដ្ឋ អាជីវករទាំងអស់មុនទិញ នឹងដាក់លក់ទំនិញ ពិសេសចំណីហារ ត្រូវពិនិត្យថ្ងៃខែបរិច្ឆេទឲ្យបានត្រឹមត្រូវដើម្បីជៀសវាងការទិញប៉ះចំទំនិញខូចគុណភាព នាំឲ្យខាតបង់ថវិការពិសេសប៉ះពាល់ដល់សុខភាពតែម្តង៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ