ខេត្តបន្ទាយមានជ័យ៖សម្រាប់ក្នុងខេត្តបន្ទាយមានជ័យ ចាប់ផ្តើមកើតជំងឺកូវីដ.១៩ រហូតមកដល់ ថ្ងៃទី១១ ខែតុលា ឆ្នាំ២០២១នេះ មានអ្នកស្លាប់ដោយសារជំងឺកូវីដ.១៩នេះមានចំនួន២៤៥នាក់ ក្នុងនោះមានស្រី១៣៥នាក់ ហើយក្នុងនោះមានខ្មែរចំនួន២៣៩នាក់ ស្រី១៣២នាក់ ជនជាតិថៃ៣នាក់ ស្រី២នាក់ ជនជាតិឥណ្ឌូនេស៊ី៣នាក់ ស្រី១នាក់។នេះបើតាមការអះអាងរបស់ លោកអោម ចន្ថា អភិបាលរងខេត្តបន្ទាយមានជ័យ និងជាប្រធាន អនុកម្មកាបូជាសពកូវីដ.១៩។លោកអភិបាលរងខេត្ត បន្តថា ក្នុងនោះមានកន្លែងមណ្ឌលចត្តាឡីស័កមានចំនួន២២កន្លែង សំរាប់ព្យាអ្នកកើតជំងឺកូវីដ.១៩ ក្នុងព្រឹត្តិការណ៍ ២០កុម្ភះ និងពលករដែលបានវិលមកពីស្រុកថៃវិញកំពុងសំរាកព្យាបាលនៅក្នុងមណ្ឌលទាំងអស់នេះ។លោកបញ្ជាក់ថា ក្នុងខេត្តបន្ទាយមានជ័យ មានមណ្ឌលសំរាប់ព្យាបាលអ្នកកើតជំងឺកូវីដ.១៩ ធំ មាន៣កន្លែង ទី-១ ទីតាំងក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ដែលជាអតីតគម្រោងរោងចក្រមួយមានផ្ទៃដី២ហិចតា ក្នុងនោះផ្ទៃអគារ ១,២ ហិចតា ដែលអាចដាក់ចំណុះអ្នកជំងឺបានចំនួន៣.០០០ នាក់។ទី-២ នៅគម្រោងផ្សារ អ៊ឹង វណ្ណ ម៉ៅ ចម្ការតាដោក នៅភូមិចម្ការតាដោក ឃុំឬស្សី ក្រោក ស្រុកមង្គលបូរី ដែលអាចដាក់ ចំណុះអ្នកជំងឺបានចំនួន ៣.០០០ នាក់ដែរ និងទី-៣ កំពុងតែធ្វើជិតរួចហើយមណ្ឌលចត្តាឡីស័កសម្រាប់ដាក់បងប្អូនពលករ ៣.០០០នាក់ នៅទីតាំងភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។មណ្ឌលសំរាប់ព្យាបាលអ្នកកើតជំងឺកូវីដ.១៩ ធំទាំង៣កន្លែងខាងលើនេះនៅពេលខាងមុខ និងប្រមូលអ្នកកើតជំងឺកូវីដ.ទាំងអស់ដាក់ក្នុងមណ្ឌលទាំង៣នេះសំរាប់មើលថែទាំស្រួល ពិសេសយកសាលាប្រគល់ទៅឲ្យប្រធានមន្ទីរអប់វិញសំរាប់ឲ្យសិស្សានុសិស្សចូលរៀននៅពេលខាងមុខ ពិសេសក្នុងក្រុងសិរីសោភ័ណ និងស្រុកមង្គលបូរី។លោកអភិបាលរងខេត្តបញ្ជាក់ទៀតថា អ្នកស្លាប់ដោយសារជំងឺកូវីដ .១៩ ទាំងអស់ត្រូវបានលោកអាចារ្យខេត្តធ្វើការបូជារួចរាល់អស់ហើយសព្វថ្ងៃនេះ សពអ្នកកើតជំងឺកូវីដ.១៩ ឯកឧត្តមអភិបាលខេត្តបានអនុញ្ញាតឲ្យរៀបចំបូជាសព ទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាល និងការកំណត់របស់រដ្ឋ យកទៅបូជាដោយធ្វើការតម្កល់ធ្វើបុណ្យសពតាមប្រពៃណីក្នុងនោះក៏បាននិមន្តលោកសង្ឃធ្វើការសូត្រមន្ត បង្សុគោលឲ្យផងដែ នៅភ្នំបាក់ សង្កាត់ទឹកថ្លា ក្រុងសិរីសោភ័ណតែម្តង៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ