មណ្ឌលគិរី : នៅវេលាម៉ោង៥:៣១នាទីព្រឹកថ្ងៃទី០២ ខែសីហា ឆ្នាំ២០២០ លោកហឿន សុខណា អភិបាលរងស្រុកកែវសីមា និងជាប្រធានលេខា ធិការដ្ឋាន នៃគណ:បញ្ជាការឯកភាពស្រុក បានរុករកស្រាវជ្រាវបង្ក្រាបបាន១កណី ចាប់បានឈើលេខ១ ប្រភេទស្រឡៅ ឡាំង៤ជ្រុងចំនួន១១ដុំ ស្ថិតនៅក្រោយផ្ទះប្រជាពលរដ្ឋ ក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ខណ:ឈ្មួញលបៗ យករថយន្តសាំយ៉ុងបម្រុង លួចដឹកឆ្លងដែន យកទៅលក់នៅឯប្រទេសវៀតណាម ។ ប្រជាពលរដ្ឋសូមសំណូមពរ ដល់ថ្នាក់ដឹកនាំខេត្តមណ្ឌលគិរី ដូចជា លោកស្នងការ លោកមេបញ្ជាការកងរាជអាវុធហត្ថខេត្ត លោកមេបញ្ជា ការប្រតិបត្តិការ សឹករងខេត្ត លោកប្រធានមន្ទីរបរិស្ថាន លោកប្រធាន មន្ទីរកសិកម្ម សូមអស់លោកចាត់មន្ត្រីជំនាញ ឱ្យចុះមក ពិនិត្យ មើលមន្ត្រីក្រោមឱវាត របស់ខ្លួន ដែលអស់លោក ចេញលិខិតបញ្ជា បេ សកកម្ម ដាក់បទបញ្ជា ចាត់តាំងឱ្យចុះមកចូលរួម សហការ ស្រាវជ្រាវ ទប់ស្កាត់ និងបង្ក្រាប បទល្មើសព្រៃឈើ នៅក្នុងភូមិសាស្ត្រទឹកដីស្រុកកែវសីមានោះ ពុំបានអនុវត្ត និងគោរពតាម បទបញ្ជារបស់អស់លោក ដែលជាថ្នាក់ដឹកនាំ ខេត្តមណ្ឌលគិរី នោះទេ មិនតែប៉ុណ្ណោះក៏មានជន ខិលខូចមួយចំនួន បានធ្វើសកម្មភាព បើកបររថយន្តមករារាំង កាងពី ក្រោយរថយន្ត ដឹកបទល្មើសថែមទៀតផង ។ សូមអស់លោកថ្នាក់ដឹកនាំខេត្ត រកពេលវេលាណាមួយដ៏សមគួរ សូមព្យាយាម រិះរកមធ្យោបាយ ឱ្យអស់លទ្ធភាព ដើម្បីចាត់វិធានការបង្ក្រាបពួកឈ្មួញឱ្យបានធ្ងន់ធ្ងរ ទៅតាមផ្លូវច្បាប់៕