(ភ្នំពេញ-កណ្ដាល)៖ ទីតាំងស្តុកមេតាណុលដើម្បីផលិតអាល់កុលចំនួន២ទីតាំងត្រូវបានកម្លាំងសមត្ថកិច្ចចម្រុះ១ក្រុមធ្វើស្រាវជ្រាវរកឃើញ និងឈានដល់ការចុះទៅបង្រ្កាបនៅវេលាម៉ោង ៤៖៣០នាទី ល្ងាចថ្ងៃទី២ ខែមេសា ឆ្នាំ២០២០។ដោយបានធ្វើការដកហូតយកបានទឹកមេតាណុលចំនួនរាប់ម៉ឺនលីត្រ ហើយគេបានដឹងថាអ្នកនាំចូលសារធាតុនេះដោយខុសច្បាប់នោះគឺជាជនជាតិចិន និងបានគេចខ្លួនមុនពេលដែលកម្លាំងសមត្ថកិច្ចចម្រុះខាងលើចុះទៅដល់។ទីតាំងទី១ ស្ថិតនៅផ្ទះលេខ០២ ផ្លូវលេខ០២Aបុរីពិភពថ្មី៣ ភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ និងទីតាំងទី២ ស្ថិតនៅផ្ទះលេខ១៨៨ផ្លូវលេខ១៣A ក្នុងបុរីពិភពថ្មី៣ ភូមិត្រពាំងសុក្រុម ឃុំបែកចាន ស្រុកអង្គស្នួល ខេត្តកណ្ដាល ដែលមានម្ចាស់ជាជនជាតិចិនតែមួយឈ្មោះ HUANG SHURONG ។តាមប្រភពពីសនត្ថកិច្ចបានឲ្យដឹងថា នៅទីតាំងទី១ ខាងរាជធានីភ្នំពេញមានការដឹកនាំដោយលោក សេង ហៀង ព្រះរាជអាជ្ញារង សាលាដំបូងរាជធានីភ្នំពេញ ដោយមានការអញ្ជើញចូលរួម លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល លោក ផាន់ លីវ៉ា ក្រឡាបញ្ជី លោក ង៉ែត ចេក អគ្គនាយកដ្ឋានការពារអ្នកប្រេីប្រាស់កិច្ចការប្រកួតប្រជែង និងបង្រ្កាបការក្លែងបន្លំ (កាំកុងត្រូល) នៃក្រសួងពាណិជ្ជកម្ម ។ជាមួយគ្នានោះដែរ កម្លាំងដកហូតបានមេតាណុលមិនទាន់ប្រើប្រាស់ចំនួន១០២ធុង និងមេតាណុលប្រើប្រាស់រួចរាល់ចំនួន៨១ធុង ដែលក្នុង១ធុងៗមានចំណុះ២០០លីត្រ និងអាល់កុលចំនួនប្រហែល១០០កាន ដែលក្នុង១កានៗចំណុះ៦០លីត្រ។ប្រភពដដែលបានបន្តថា ចំណែកខាងទីតាំងទី២ នៅស្រុកអង្គស្នួល ខេត្តកណ្ដាល មានការដឹកនាំដោយលោកវរសេនីយ៍ឯក លី សុជាតិ ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ចខេត្តកណ្ដាល និង លោក ង៉ែត ចេក អគ្គនាយកដ្ឋានការពារអ្នកប្រេីប្រាស់កិច្ចការប្រកួតប្រជែង និងបង្រ្កាបការក្លែងបន្លំ (កាំកុងត្រូល) នៃក្រសួងពាណិជ្ជកម្ម និងចូលរួមដោយលោក ស ម៉េង អភិបាលរងស្រុកអង្គស្នួល លោកវរសេនីយ៍ឯក មាន សំណាង អធិការនគរបាលស្រុកអង្គស្នួល លោកវរសេនីយ៍ត្រីស៊ូ វ៉ានធឿនបញ្ជាការអាវុធហត្ថស្រុកអង្គស្នួល លោកស្រុង លីមប្រធានការិយាល័យសុខាភិបាលស្រុក ប្រតិបត្តិ ពេទ្យ ស្រុកអង្គស្នួល។ ខណៈនោះកម្លាំងរកឃើញមេតាណុលចំនួន៦៩ធុងដែលក្នុង១ធុងៗចំណុះ២០០លីត្រនិងប៊ីដុងចំណុះ៣០លីត្រចំនួន២០០ប៊ីដុង។សមត្ថកិច្ចខាងលើនេះបានបញ្ជាក់បន្ថែមទៀតថា ភ្លាមៗនោះមន្រ្តីជំនាញបានធ្វេីការពិសោធន៍ជាលទ្ធផលរកឃើញថា សារធាតុទឹកមេតាណុល និងអាល់កុលផលិតរួចនេះ អាចធ្វើឲ្យមានការប៉ះពាល់ទៅដល់សុខភាពអ្នកប្រេីប្រាស់យ៉ាងខ្លាំង។ខណៈនោះលោក សេង ហៀង ព្រះរាជអាជ្ញារង សាលាដំបូងរាជធានីភ្នំពេញ បានសម្រេចរឹបអូស យកសម្ភារៈ និងសារធាតុមេតាណុលខាងលេី ទាំងអស់ ប្រគល់ជូននាយកដ្ឋានការពារអ្នកប្រេីប្រាស់កិច្ចការប្រកួតប្រជែង និងបង្រ្កាបការក្លែងបន្លំ នៃក្រសួងពាណិជ្ជកម្ម ដេីម្បីរក្សាទុក និងគ្រប់គ្រងបន្តនិងបិទទីតាំងទាំង២នេះព្រមទាំងបន្តធ្វើការស្រាវជ្រាវស្វែងរកឃាត់ខ្លួនថៅកែជនជាតិចិនដែលកំពុងរត់គេចខ្លួននោះហើយ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ