(ភ្នំពេញ)៖ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានប្រាប់ឱ្យដឹងថា ក្រសួងសុខាភិបាលសូមបដិសេធទាំងស្រុងចំពោះការផ្សព្វផ្សាយរប់ស Facebook «ព័ត៌មានពិត ពីកម្ពុជា» ដែលបានបង្ហោះព័ត៌មានមិនពិតបំពុលសង្គមពាក់ព័ន្ធនឹងជំងឺផ្លូវដង្ហើមកូរ៉ូណាថ្មី ហើយករណីនេះគួរតែត្រូវផ្តន្ទាទោសតាមច្បាប់របស់កម្ពុជា។ប្រតិកម្មរបស់ក្រសួងសុខាភិបាល បានធ្វើឡើងបន្ទាប់ពី Facebook «ព័ត៌មានពិត ពីកម្ពុជា» បានផ្សព្វផ្សាយព័ត៌មានមិនពិត ញុះញង់ថា មានករណីឆ្លងជំងឺកូរ៉ូណាថ្មីបណ្តាលឱ្យស្លាប់ និងឈឺនៅកម្ពុជារាប់រយនាក់ ប៉ុន្តែសារព័ត៌មានកម្ពុជាមិនផ្សាយ។ Facebook បានប្រើប្រាស់រូបភាព លោកស្រី ហេង សុខគង់ ភរិយារបស់អភិបាលខណ្ឌដូនពេញ ដើម្បីបង្កឱ្យមានការភាន់ច្រឡំដល់សាធារណជន។លោកជំទាវ ឱ វណ្ណឌីន បានបញ្ជាក់ថា ក្រសួងសុខាភិបាល សូមច្រានចោលទាំងស្រុងចំពោះព័ត៌មានដែលលើកឡើងនេះ គឺជាព័ត៌មានមិនពិត កំពុងបំពុលសង្គម ពាក់ព័ន្ធនឹងជំងឺកូរ៉ូណា។ លោកស្រី វណ្ណឌីន បញ្ជាក់បញ្ជាក់ថា ការបំផុសព័ត៌មានបែបនេះ គួរតែត្រូវបានផ្តន្ទាទោសតាមច្បាប់កម្ពុជា។លោកជំទាវ ឱ វណ្ណឌីន ក៏បានអំពាវនាវដល់ជនរួមជាតិខ្មែរទាំងអស់ រួមសាមគ្គីគ្នាក្នុងការអនុវត្តនូវវិធានការការពារការចម្លងវីរុសកូរ៉ូណាថ្មីនេះឱ្យបានគ្រប់ៗគ្នា ហើយមិនត្រូវជឿលើការឃោសនាបោកប្រាស់ផ្សេងៗទៀត ដូចករណីបំពុលសង្គមខាងលើនេះឡើយ។គិតរហូតដល់ថ្ងៃនេះ ពុំទាន់រកឃើញករណីជំងឺកូរ៉ូណាវីរុសថ្មីបន្ថែមទៀតទេ។ ចំណែកជនជាតិចិនម្នាក់ ដែលបានឆ្លងជំងឺរលាកផ្លូវដង្ហើមកូរ៉ូណា ហើយចូលមកកម្ពុជា កាលពីថ្ងៃទី២៣ ខែមករា ឆ្នាំ២០២០ បានជាសះស្បើយហើយ ដោយនឹងចាកចេញពីមន្ទីរពេទ្យបង្អែកខេត្តព្រះសីហនុនៅថ្ងៃនេះដែល។ទោះជាយ៉ាងនេះក្តី ក្រសួងសុខាភិបាល នៅបន្តយកចិត្តទុកដាក់ខ្ពស់ក្នុងការស្រាវជ្រាវ និងរុករកវីរុសកូរ៉ូណាថ្មី នៅក្នុងប្រទេសកម្ពុជា ខណៈដែលពិភពលោក នៅតែបន្តមានការរីករាលដាលកើនឡើងពីមួយថ្ងៃទៅមួយថ្ងៃ៕
ព័ត៌មានគួរចាប់អារម្មណ៍
ឯកឧត្តម នាយឧត្តមសេនីយ៍ កែ គឹមយ៉ាន អញ្ជើញជួបសំណេះសំណាលជាមួយគ្រិស្ទបរិស័ទ ខេត្តបន្ទាយមានជ័យ (រស្មីកូនខ្មែរ)
បុរសជនជាតិប៊ែលស្ស៊ិច វ័យ៦៨ឆ្នាំម្នាក់ ធ្វើអត្តឃាតចង.ក សម្លាប់ខ្លួន នៅក្នុងបន្ទប់ទឹក នៅក្នុងភូមិបាលិលេយ្យ១ សង្កាត់ប៉ោយប៉ែត សង្ស័យតូចចិត្តនឹងមានជំងឺច្រើន (រស្មីកូនខ្មែរ)
អាជីវករនៅផ្សារប៉ាហ៊ីស ប្បាយរីករាយក្រោយពីលោកជំទាវ បាន ស្រីមុំ លើកលែងមិនយកថ្លៃតូបចំនួន៣ខែ (រស្មីកូនខ្មែរ)
លោកជំទាវ បាន ស្រីមុំដឹកនាំកិច្ចប្រជុំ ស្តីពីការត្រៀមរៀបចំផែនការ ការពារសន្តិសុខ សណ្ដាប់ធ្នាប់ សម្រាប់ថ្ងៃបើកយុទ្ធនាការឃោសនាបោះឆ្នោត និងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ខាងមុខនេះ (រស្មីកូនខ្មែរ)
អាវុធហត្ថក្រុងប៉ោយប៉ែត ឃាត់ខ្លួនជនជាតិចិន ១នាក់ និងខ្មែរ ១នាក់ ពាក់ព័ន្ធករណីឃាតកម្មលើជនជាតិចិនម្នាក់ នៅចំណុចចំការដំឡូងមី ស្ថិតក្នុងភូមិព្រៃគប់ សង្កាត់អូរឬស្សី (រស្មីកូនខ្មែរ)
វីដែអូ