ថ្ងៃអង្គារ៍ ទី៣១ ខែមីនា ឆ្នាំ២០៥០
គេហទំព័រ រស្មីកូនខ្មែរ
សម្តេចតេជោ ហ៊ុន សែន ៖ថ្ងៃជ័យ​ជម្នះ៧មករា គឺជាថ្ងៃ​បើកឡើងវិញនូវទំព័រស​ករាជថ្មី នៃឯករាជ្យ សេរីភាព សន្តិភាព ប្រជាធិបតេយ្យ និងវឌ្ឍនភា​ពសង្គម
Tue,07 January 2020 (Time 02:57 PM)
ដោយ ៖ សហការី (ចំនួនអ្នកអាន: 66នាក់)

រាជធានីភ្នំពេញ​៖៧មករា ឆ្នាំ១៩៧៩ គឺជាថ្ងៃជ័យ​ជម្នះជាប្រវត្តិសាស្រ្តរ​បស់ប្រជាជនកម្ពុជា ដែល​បាន​វាយផ្តួលរំលំរបបប្រល័យពូជសាសន៍ ប៉ុល ពត បញ្ចប់សម័​យកាលដ៏ខ្មៅងងឹតបំផុតនៅ​កម្ពុជា ដែល​បាន​កាប់សម្លាប់ និងធ្វើឲ្យប្រ​ជាពលរដ្ឋខ្មែរស្លាប់​ជិត​៣លាននាក់។ថ្ងៃ ៧ មករា ១៩៧៩ គឺជា​បើកឡើងវិញនូ​វទំព័រសករាជថ្មីនៃឯករាជ្យ សេរីភាព សន្តិភាព ប្រជាធិប​តេយ្យ និងវឌ្ឍន​ភាពសង្គម​។

សម្តេចអគ្គម​ហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រ​ធាន​គណបក្សប្រជាជនកម្ពុជា មានប្រសាសន៍បែបនេះក្នុងឱកាសដែលសម្តេច​ សម្តេចពញាចក្រី ហេង សំរិន ប្រធានកិត្តិ​យស​នៃគណបក្សប្រជាជន សម្តេចក្រឡាហោម ស ​ខេង និងសម្តេច សាយ ឈុំ អនុប្រធានគណបក្ស បានអញ្ជើញ​ជាអធិបតី​ដ៏ខ្ពង់ខ្ពស់ក្នុងពិធីអបអរសាទរ“ខួបលើកទី៤១ឆ្នាំ នៃទិវាជ័យជម្នះ ៧មករា ១៩៧៩- ៧ មករា ២០២០​“​ នៅព្រឹកថ្ងៃអង្គារ ១៣កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៧ ខែមករា ឆ្នាំ២០២០នេះ នៅមជ្ឈ​មណ្ឌលកោះ​ពេជ្ររា​ជធា​នីភ្នំពេញ។​ក្នុងនោះក៏មានការអញ្ជើចូលរួមពីថ្នាក់ដឹកនាំ មន្ត្រីរាជការ ស្ថាប័នតាមក្រសួងនានា ភ្ញៀវ​ជាតិ អន្តរជាតិ មន្ត្រីអង្គទូត សិស្សានុសិស្ស និស្សិត និងប្រជាពលរដ្ឋប្រមាណ​ជាជិត៥ម៉ឺននាក់ផង​ដែរ។

ក្នុងឱកាសនោះសម្តេចតេជោ ហ៊ុន សែន បានមានប្រសាសន៍ បង្ហាញនូវស្មារតីចង​ចាំជានិច្ចនូ​វគុ​ណូ​ប​ការៈ​ដ៏ឧត្តង្គ​ឧត្តមរបស់វីរកម្មាភិបាល យុទ្ធជន យុទ្ធនារី នៃរណសិរ្សសាមគ្គីសង្រ្គោះជាតិកម្ពុជា និងវិរកងទ័ព​ស្ម័គ្រចិត្តវៀតណាម​ ដែលបានធ្វើការលះបង់យ៉ាងធំ​ធេងក្នុងការប្រយុទ្ធ ដើម្បីផ្តួល​រំលំ​របបប្រល័យពូជសាសន៍ ប៉ុល ពត និងការពារការរស់ឡើងវិញរបស់កម្ពុជា។

សម្តេចតេជោ ហ៊ុន សែន ក៏បានថ្វាយនូវព្រះពរដល់ព្រះមហាក្សត្រ ​និងសម្តេចម៉ែក្នុងសេរីភាព សេ​ចក្តីថ្លៃថ្នូរ ដែលព្រះអង្គ​បានគង់ជាម្លប់ដ៏ត្រ​ជាក់សម្រាប់កូនចៅគ្រប់ៗជំនាន់។
សម្តេចតេជោបន្តថា ក្រោយពេលបញ្ចប់​សង្រ្គាម​ទាំងស្រុង​នាពេលនោះ គឺបានផ្តល់​ឱកាសពេញលេ​ញដល់​កម្ពុជាកសាង និងអភិវឌ្ឍន៍ប្រទេសមា​នការចម្រើនលូតលាស់ជាបន្តបន្ទាប់ ក្រោម​ម្លប់សន្តិ​ភាព បានធ្វើ​អោយសេដ្ឋកិច្ចកម្ពុជា ​កាន់តែរីកលូតលាស់ ក្នុងនោះគឺទំហំពាណិជ្ជកម្ម និងទំហំវិ​និយោគ​ពីបរទេសកាន់តែច្រើនឡើង ដែលធ្វើអោយកម្ពុជាអា​ចរក្សាកំណើនសេដ្ឋកិច្ចក្នុងរង្វង់ ៧.​១%​។

សម្តេចតេជោ ប្រធានគណបក្ស បានបន្តទៀតថា ប្រជាជន​កម្ពុជាទាំងអស់​បានប្រសិទ្ធនាមថា ថ្ងៃ៧មករា គឺជាថ្ងៃកំណើតទី២របស់ខ្លួន និង ៧មករានាំម​កនូវសុខសន្តិភាព និងការអភិវឌ្ឍ។ ជាក់ស្ដែង​ស្ថិរភាពនយោបាយ សន្តិសុខ និងសណ្ដាប់ធ្នាប់​សាធារណៈគឺត្រូវ​បានថែរក្សាការពារ​យ៉ាងរឹងមាំ ធ្វើឲ្យប្រជាជន​បានរស់នៅយ៉ាងសុខសាន្ត សុខដុមរម្យនា រាល់ការប៉ុនប៉ង និងមានបំ​ណងផ្លាស់ប្ដូររ​បបន​យោបាយនៅកម្ពុជា តាមរយៈវិធា​នការដែលផ្ទុយពីរដ្ឋធម្មនុញ្ញ និងគោល​ការណ៍លិទ្ធិ​ប្រ​ជាធិបតេយ្យ ត្រូវបរាជ័យទាំ​ងស្រុងក្រោមចំណាត់​ការ​ដោយម៉ឺងម៉ាត់​របស់រាជ​រដ្ឋាភិបាល និងកម្លាំងការពាររបស់ប្រជាជន ដែលបានប្ដេជ្ញាចិត្ដយ៉ាងមោះ​មុតក្នុងការថែរក្សា​ជីវភាពរស់​នៅដ៏សុខសាន្ត៕

ព័ត៌មានគួរចាប់អារម្មណ៍

ចាប់ឃាត់ខ្លួនជនជាតិតៃវ៉ាន់២នាក់ ពាក់ព័ន្ធករណី ផលិតនិងប្រើប្រាស់គ្រឿង​ញៀន (សហការី)

ព័ត៌មានគួរចាប់អារម្មណ៍

រដ្ឋបានខេត្តស្វាយរៀង ប្រារព្ធមីទ្ទិញរំ​ឭកខួបអនុស្សាវរីយ៍លើកទី៤១ ទិវាជ័យ​ជម្នះ ៧មករា (សហការី)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ៖ថ្ងៃជ័យ​ជម្នះ៧មករា គឺជាថ្ងៃ​បើកឡើងវិញនូវទំព័រស​ករាជថ្មី នៃឯករាជ្យ សេរីភាព សន្តិភាព ប្រជាធិបតេយ្យ និងវឌ្ឍនភា​ពសង្គម (សហការី)

ព័ត៌មានគួរចាប់អារម្មណ៍

រដ្ឋបាលខេត្តកំពត ប្រារព្ធខួបលេីកទី៤១​ នៃទិវាជ័យជម្នះ៧មករា នៅសាលមហោស្របខេត្ត (សហការី)

ព័ត៌មានគួរចាប់អារម្មណ៍

ឯកឧត្តម​ ជាវ តាយ​ ដឹកនាំកិច្ចប្រជុំក្រុមការងារថ្នាក់ខេត្ត ពិនិត្យពិភាក្សា​ និងសម្រេចលើសំណើ របស់រដ្ឋបាលក្រុង ស្រុក (សហការី)

វីដែអូ