រដ្ឋសភាកម្ពុជា បិទបញ្ចប់សម័យប្រជុំលើកទី៣ នីតិកាលទី៦ បន្ទាប់ពីបានអនុម័ត លើសេចក្តីព្រាងច្បាប់ចំនួន២០
រាជធានីភ្នំពេញ៖បន្ទាប់ពីបានអនុម័តលើសេចក្តីព្រាងច្បាប់ចំនួន២០ ដែលស្នើឡើងដោយរាជរដ្ឋាភិបាល នៅថ្ងៃទី០៦ ខែមករា ឆ្នាំ២០២នេះរដ្ឋសភាកម្ពុជា បានចេញសេចក្តីជូនដំណឹងមួយស្តីពីបិទបញ្ចប់សម័យប្រជុំលើកទី៣ នីតិកាលទី៦។
សេចក្តីជូនដំណឹងបានបញ្ជាក់ថា សម័យប្រជុំរដ្ឋសភាលើកទី៣ នីតិកាលទី៦ មានរយៈពេល៣ខែ ដោយបានចាប់ផ្តើមដំណើរការនៅថ្ងៃទី៤ ខែតុលា ឆ្នាំ ២០១៩ មកដល់ថ្ងៃទី៤ ខែមករា ឆ្នាំ២០២០។
ក្នុងរយៈពេលនេះ រដ្ឋសភាបានអនុម័តសេចក្តីព្រាងច្បាប់បានចំនួន២០ ហើយថ្នាក់ដឹកនាំ និងសមាជិករដ្ឋសភាក៏បានចុះមូលដ្ឋានសួរសុខទុក្ខប្រជាពលរដ្ឋនៅទូទាំងប្រទេស ព្រមទាំងបានបំពេញការងារការទូតសភា ដើម្បីបង្កើនមិត្តភាព និងកិច្ចសហប្រតិបត្តិការជាមួយប្រទេសជាច្រើនទៀតផង៕