ថ្ងៃច័ន្ទ ទី២០ ខែកញ្ញា ឆ្នាំ២០៥០
គេហទំព័រ រស្មីកូនខ្មែរ
តុលាការខេត្តកំពត សម្រេចឃុំខ្លួនបុគ្គលឈ្មោះ ងិន ស៊ុយទ្រី ដែលបានបង្កើត Facebook ក្លែងក្លាយបង្ហោះសារជេរប្រមាថថ្នាក់ដឹកនាំ ក្រោមបទចោទចំនួន៤
Fri,18 December 2020 (Time 11:35 AM)
ដោយ ៖ (ចំនួនអ្នកអាន: 179នាក់)

(កែប)៖ យោងតាមដីកាបង្គាប់ឲ្យឃុំខ្លួនបានបញ្ជាក់ថាបុគ្គលនេះ ត្រូវបានចោទប្រកាន់ពីបទ បរិហាកេរ្ដិ៍ជាសាធារណៈ, ជេរប្រមាថជាសាធារណៈ, ញុះញង់ឲ្យប្រព្រឹត្តិបទឧក្រិដ្ឋជាអាទិ៍, ប្រមាថចំពោះអង្គព្រះមហាក្សត្រ និងរូបភាព និងសម្ភារអាសអាភាស។
គួរជម្រាបថា បុគ្គលដែលបង្កើតគណនី Facebook ក្លែងក្លាយជាច្រើន រួចបង្ហោះជេរប្រមាថបរិហាកេរ្តិ៍ថ្នាក់ដឹកនាំ អភិបាលខេត្ត និងស្នងការនគរបាលខេត្តមួយចំនួន ត្រូវបានកម្លាំងនគរបាលចាប់ខ្លួនបានហើយ នៅព្រឹកថ្ងៃទី១៥ ខែធ្នូ ឆ្នាំ២០២០ នៅចំណុចភូមិកែប សង្កាត់កែប ក្រុងកែប ខេត្តកែប ដែលជាកន្លែងរស់នៅរបស់ជនសង្ស័យតែម្តង។
បើតាមរបាយការណ៍ ជនសង្ស័យដែលកម្លាំងរបស់នាយកដ្ឋានប្រឆាំងបទល្មើសបច្ចេកវិទ្យាចាប់ខ្លួននេះ ឈ្មោះ ងិន ស៊ុយទ្រី អាយុ២៥ឆ្នាំ រស់នៅភូមិកែប សង្កាត់កែប ក្រុងកែប ខេត្តកែប។
សូមបញ្ជាក់ថា យុវជនរូបនេះមានចេតនាទុច្ចរិត បានបង្កើតគណនី Facebook ក្លែងក្លាយជាច្រើនធ្វើការជេរប្រមាថ បរិហាកេរ្តិ៍ បំប៉ោងព័ត៌មានបំពុលសង្គម បង្កើតព័ត៌មានក្លែងក្លាយ ដើម្បីបរិហារកេរ្តិ៍លើថ្នាក់ដឹកនាំកំពូល អភិបាលខេត្ត រហូតដល់ស្នងការនគរបាលខេត្តមួយចំនួន ដោយគេបានសរសេរនូវភាសាអសុរោះ កាត់តរូបភាពលើគណនី Facebook ក្លែងក្លាយទាំងនោះ។
យុវជន ងិន ស៊ុយទ្រី បានសារភាពថា ខ្លួនមានទំនាក់ទំនងស្នេហាជាមួយនារីម្នាក់តាំងពីដើមឆ្នាំ២០១៦ ក្រោយមកនារីរូបនោះ បានផ្លាស់ប្ដូរមកធ្វើការ នៅរាជធានីភ្នំពេញ តាំងពីពេលនោះមកទំនាក់ទំនងរបស់គេបានត្រូវឃ្លាតឆ្ងាយ និងដោយសារនាង មានទំនាក់ទំនងជាមួយបុរសជាច្រើនផ្សេងទៀត ធ្វើឲ្យគេកើតចិត្តប្រច័ណ្ឌ ហើយក៏បានបង្កើតគណនីក្លែងក្លាយជាឈ្មោះរបស់នាង ឪពុកនាង និងជាមិត្តភ័ក្ររបស់នាងជាច្រើនទៀត ដើម្បីវាយប្រហារថ្នាក់ដឹកនាំកំពូលៗ ចេតនាដើម្បីទម្លាក់កំហុសនារីរូបនោះ ព្រមទាំងមិត្តភ័ក្រដៃគូស្នេហា និងគ្រួសាររបស់នាង។
អគ្គស្នងការដ្ឋាននគរបាលជាតិ ក៏ដូចជានាយកដ្ឋានជំនាញនគរបាលបច្ចេកវិទ្យា បានក្រើនរំលឹកដល់អ្នកលេងបណ្តាញសង្គម សូមប្រើប្រាស់បណ្តាញសង្គម ប្រកបដោយក្រមសីលធម៌ ជាពិសេសកុំប្រើប្រាស់បណ្តាញសង្គម ធ្វើជាទីលានបញ្ចេញកំហឹងសងសឹកស្នេហា ដែលនាំឲ្យអាប់ឱនដល់ប្រពៃណី ដ៏ផូរផង់របស់ជាតិ ហើយនិងកុំព្យាយាមប្រើប្រាស់បណ្តាញសង្គម ដើម្បីប្រព្រឹត្តបទល្មើស ព្រោះមិនអាចគេចចេញពីសំណាញ់ច្បាប់បានឡើយ៕

ព័ត៌មានគួរចាប់អារម្មណ៍

អាជ្ញាធ​រខេត្ត ក្រុងប៉ោយ​ប៉ែត និងក​​ងកម្លាំង​ចម្រុះ ត្រៀម​រួច​ជាស្រាច​ ដើម្បីជួ​យ​សង្រ្គោះ​ប្រជាព​លរដ្ឋ ដែ​ល​ទឹក​ជន់លិច​លំនៅដ្ឋាន ទៅទី​ទួល​សុវត្ថិភាព (រស្មីកូនខ្មែរ)

ព័ត៌មានគួរចាប់អារម្មណ៍

អាវុធហត្ថខេត្តបន្ទា​យមានជ័យ បញ្ជូនខ្លួន​ស្ត្រីជនជាតិថៃម្នាក់ ទៅតុលា​ការខេត្ត ពាក់ព័ន្ធករណី ឆ​បោក (រស្មីកូនខ្មែរ)

ព័ត៌មានគួរចាប់អារម្មណ៍

អាជ្ញាធរខេត្តបន្ទាយមានជ័យ ប្រកាសបើកយុទ្ធនា​ការចាក់វ៉ាក់​សាំងបង្ការជំងឺកូវីដ​១៩ ជូនដ​ល់​កុមា​រចាប់ពីអា​យុ៦ឆ្នាំ ដល់ក្រោម​១២ឆ្នាំ ​នៅក្នុងភូមិសា​ស្ត្រខេត្តបន្ទាយមានជ័យ (រស្មីកូនខ្មែរ)

ព័ត៌មានគួរចាប់អារម្មណ៍

បញ្ជូន​ខ្លួ​នមេខ្យល់​ នាំពលក​រ​ឆ្លង​ដែន​ខុស​ច្បាប់ទៅថៃ​ចំនួ០៣នាក់ ទៅតុលា​ការខេត្តបន្ទាយមានជ័​យ (រស្មីកូនខ្មែរ)

ព័ត៌មានគួរចាប់អារម្មណ៍

អគ្គីភ័យលេបត្របាក់ផ្ទះប្រជាពលរដ្ឋ១ខ្នង អស់ទាំងស្រុងនៅ​ស្រុកថ្មពួក សង្ស័យបណ្តាល​មកពី​ទុស្សេ​ខ្សែភ្លើង (រស្មីកូនខ្មែរ)

វីដែអូ