ក្រចេះ : ទីបំផុតមេក្លោងធំឈ្មោះ ចាន់ ធី ដែលបានផ្ដើមគំនិត ឃុបឃិតគ្នា ឈូសឆាយ រុរាន ទន្រ្ទាន ហ៊ុំព័ទ្ធយកដីព្រៃ និងដីព្រៃភ្នំរបស់រដ្ឋដោយខុសច្បាប់នាពេលកន្លងមក ដើម្បីយកមកធ្វើជាកម្មសិទ្ធិនោះ ត្រូបានសមត្ថកិច្ចថ្នាក់ជាតិចាត់វិធានការ តាមស្រាវជ្រាវចាប់ខ្លួនបានហើយហើយបានបញ្ជូនយកមក ដាក់ឃុំខ្លួន នៅក្នុងពន្ធនាគារ ខេត្តក្រចេះ នៅថ្ងៃទី១៣ ខែតុលា ឆ្នាំ២០២០ ហើយ ត្រូវបាន ឯកឧត្តមកើត រិទ្ធ រដ្ឋមន្ត្រីក្រសួងយុត្តិធម៌ សម្រេចផ្ទេរ ដែនសមត្ថកិច្ច សំណុំរឿងព្រហ្ម ទណ្ឌលេខ ២៩៧ ចុះថ្ងៃទី ១១ ខែកញ្ញា ឆ្នាំ ២០២០ របស់សាលា ដំបូងខេត្តមណ្ឌលគិរី ព្រមទាំងអ្នកពាក់ព័ន្ធករណី ឈួសឆាយហ៊ុំព័ទ្ធយកព្រៃ និងដីព្រៃភ្នំរបស់រដ្ឋខាងលើ ចំនួន៥នាក់ មកសាលាដំបូងខេត្តក្រចេះ ដើម្បីជាប្រយោជន៍សាធារណៈ និង ភាពយុត្តិធម៌ ៕
មន្ត្រីបរិស្ថានបើកកិច្ចសហប្រតិបត្តិការជាមួយមន្ត្រីនគរបាលស្រុកអូររាំងចុះបង្ល្រាបករណី គាស់កាយដីព្រៃឈើនិង កប់គល់ឈើធំៗដើម្បីលប់បំបាត់ភស្តុតាង លើផ្ទៃដីទំហំជាង 60 ហិកតានៅភ្នំអណ្ដូងស្នេហ៍ ជាប់នឹងរបៀងអភិរក្សជីវៈចម្រុះ និងដីព្រៃអចន្ត្រៃរបស់រដ្ឋបាលព្រៃឈើ ស្ថិតក្នុងភូមិសាស្ត្រភូមិពូឡេះឃុំដាក់ដាំស្រុកអូររាំងខេត្តមណ្ឌលគិរី នាថ្ងៃទី 15 ខែតុលាឆ្នាំ 2020។
ក្នុងកិច្ចសហប្រតិបត្តិការសមត្ថកិច្ចចាប់រឹបអូសបានគ្រឿងចក្រចំនួន2គ្រឿង អេស្កាវ៉ាទ័រ 1 គ្រឿង និងអាត្រាក់ទ័រមួយគ្រឿងនិងម៉ូតូ 2 គ្រឿងដែលជនសង្ស័យរត់ចោល ។ បច្ចុប្បន្នវត្ថុតាងបទល្មើសទាំងនេះត្រូវបានប្រគល់ឱ្យខាងមន្ត្រីបរិស្ថានដើម្បីកសាងសំណុំរឿងតាមនីតិវិធី។