ខេត្តកំពត៖កាលពីរសៀលថ្ងៃទី២៩ ខែសីហា ឆ្នាំ២០១៨ម្សិលមិញនេះ លោក ជាវ តាយ អភិបាល នៃគណៈអភិបាលបាន ប្រគល់កុំព្យូទ័រយួរដៃ(Labtop) ចំនួន៥៤គ្រឿង ជូនដល់សមាជិកសមាជិកា គណៈកម្មការវាយតម្លៃ អង្គភាពផ្តល់សេវាសាធារណៈ ថ្នាក់ខេត្ត ក្រុង ស្រុក និងស្ថានប័ន គោលដៅនៃការវាយតម្លៃនិងទទួលស្គាល់អង្គភាពផ្តល់សេវាសាធារណៈគម្រូក្នុងវិស័យអប់រំ និងវិស័យសុខាភិបាល។ក្នុងឱកាសនោះដែរលោកអភិបាលខេត្តកំពត បានមានប្រសាសន៍ថា៖ខេត្តកំពតក្នុងពេលដ៏ខ្លីខាងមុខនឹងក្លាយជាខេត្តទេសចរណ៍ ដែលមានភ្ញៀវមកទស្សនាច្រើនជាងគេ ក្នុងចំណោមខេត្តជាប់ឆ្នេរសមុទ្រនិងបណ្តាខេត្តទាំងអស់របស់កម្ពុជាយើង។ជាមួយគ្នានេះ លោកក៏បានលើកពីមូលហេតុដែលអាចធ្វើឲ្យខេត្តកំពតមានភ្ញៀវច្រើនជាងគេថា កំពតមានកន្លែងដើរលេងច្រើន សម្បូរបែប មានកំពង់ផែទេសចរណ៍អន្តជាតិ ឆ្នេរកម្សាន្ត កំពតនៅជិតទីក្រុង អ្នកមកលេងអាចសម្រាក ឬត្រឡប់ទៅវិញ ហើយផ្លូវថ្នល់នឹងងាយស្រួលធ្វើដំណើរ និងមានសោភ័ណភាពស្អាត និងចំណុចល្អជាច្រើនទៀត។លោកអភិបាលខេត្តបញ្ជាក់ថា៖ដើម្បីទាក់ទាញភ្ញៀវឲ្យបានច្រើន ក្នុងជំហានដំបូងនេះ លោកនិងដាំបង្គោលដាក់អំពូលភ្លើងនៅក្នុងបណ្តាស្រុកទាំង៧របស់ខេត្តចម្ងាយ១គីឡូ ហើយរាល់ផ្លូវលំឡើងទៅផ្លូវជាតិ ត្រូវចាក់បេតុងចម្ងាយមួយរយម៉ែត្រគ្រប់ផ្លូវ ដើម្បីរក្សាសោភ័ណភាពផ្លូវជាតិ និងក្រុងកុំឲ្យមានធូរលីដី ហើយនឹងធ្វើជាបន្តបន្ទាប់បន្តិចម្តងៗ។ទោះជាយ៉ាងណាក៏ដោយលោក ជាវ តាយ បានសំណូមពរយ៉ាងទទូចដល់ថ្នាក់ដឹកនាំ មន្ត្រីរាជការ មន្ទីរ អង្គភាពជុំវិញខេត្តទាំងអស់ រួមទាំងប្រជាពលរដ្ឋផងដែរ ត្រូវចូលរួមទាំងអស់គ្នា ដើម្បីអភិវឌ្ឍខេត្តមួយនេះឲ្យប្រែមុខប្រែមាត់បានឆាប់រហ័ស ពិសេសត្រូវចូលរួមបង្កើនប្រសិទ្ធភាពការងារ និងការរក្សាឲ្យបាននូវបរិស្ថានអនាម័យស្អាត ទាំងក្នុងមូលដ្ឋានភូមិ ឃុំ ស្រុក ក្រុង រហូតដល់ខ្នងផ្ទះរបស់ប្រជាពលរដ្ឋម្នាក់ៗ ព្រោះបុគ្គលម្នាក់មិនអាចធ្វើការងារនេះបានជោគជ័យនោះទេ៕
ព័ត៌មានគួរចាប់អារម្មណ៍
សម្ដេចតេជោ នាយករដ្ឋមន្ត្រីនៃកម្ពុជា អញ្ជើញជាអធិបតីក្នុងពិធីបើកជាផ្លូវការពិព័រណ៍អន្តរជាតិ នៃវេទិកាទេសចរណ៍អាស៊ានលើកទី៤០ ឆ្នាំ២០២២ (រស្មីកូនខ្មែរ)
សម្ភោធជាផ្លូវការ មន្ទីរសំរាកព្យាបាល និងសម្ភព ចតុមុខ ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន (រស្មីកូនខ្មែរ)
មន្រ្តីជំនាញ ក.ប.ប. ខេត្តត្បូងឃ្មុំ ចុះត្រួតពិនិត្យទំនិញនៅតាមផ្ទះ និងម៉ាតនៅក្នុងផ្សារស្ទឹង ស្រុកពញាក្រែក ជាលិតផលដកហូតបានទំនិញហួសកាលបរិច្ឆេទ និងគ្មានច្បាប់អនុញ្ញាតមួយចំនួន (រស្មីកូនខ្មែរ)
ជំនាញ សហការជាមួយកម្លាំងសមត្ថកិច្ចចុះបង្ក្រាបជាក់ស្ដែង នូវទីតាំងសត្វជ្រូក នាំចូលដោយខុសច្បាប់ពីប្រទេសថៃ នៅឃុំអូរបីជាន់ ស្រុកអូរជ្រៅ (រស្មីកូនខ្មែរ)
ក្មេងប្រុស ស្រី ២នាក់ ត្រូវជាបងប្អូនជីដូនមួយនឹងគ្នា បានលង់ទឹកស្រះស្លាប់យ៉ាងអាណោចអធម៌ នៅឃុំគោកបល្ល័ង្គ ស្រុកមង្គលបូរី (រស្មីកូនខ្មែរ)
វីដែអូ